EZEKELA 8:9 - Jinghpaw Common Language Bible 2009

⁹ Shi gaw ngai hpe, “Shang u, dai yang e, shanhte galaw nga ai n hkru n shawp ai hte matsat shabat amu ni hpe yu yu u,” ngu nna tsun ai.

Jinghpaw Hanson Version Bible

⁹ Bai shi gaw, “Shang u; ndai shara e shanhte galaw ai n hkru ai matsat shabat amu ni hpe yu u,” nga ai.

EZEKELA 8:9 ပူးပေါင်းရင်းမြစ်များ

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

EZEKELA 8:10

Dai rai nna, kata de ngai shang yu yang, lapu hte kaga n san n seng ai dusat ni hte Israela amyu masha ni nawku nga ai kaga hpara sumla ni hpe bunghku ni hta soi shakap da ai hpe ngai mu nngai.

EZEKELA 8:6

Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

EZEKELA 8:8

Shi gaw, “Si chye ai masha wa e, ndai bunghku hpe htu waw u,” ngu nna tsun ai. Ngai gaw dai hpe htu waw dat yang, chyinghka langai mi mu nngai.