EZEKELA 8:6 - Jinghpaw Common Language Bible 2009

⁶ Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

Jinghpaw Hanson Version Bible

⁶ Shaloi shi gaw, “Masha kasha e, ngai gaw nye a chyoi pra ai shara hte grai tsan mat wa hkra, Israela amyu masha ni gaw, ndai yang e galaw ai matsat shabat amu kaba hpe, nang mu nu ni? rai timung, grau kaba ai matsat shabat amu ni hpe, nang naw mu na rin dai.

EZEKELA 8:6 ပူးပေါင်းရင်းမြစ်များ

2 HKAWHKAM LABAU 29:5

e, shanhte hpe ga shaga wu ai. Shi gaw, “Lewi masha ni e, nanhte gaw tinang hkum ap nawng let, dai Madu nanhte a kaji kawa ni a Karai Kasang a Nawku Htingnu hpe jasan jaseng na rai myit dai. Nawku Htingnu hpe awu asin di shangun ai arai shagu hte hpe dai shara kaw nna yeng seng kau mu.

SHAKAWN KUNGDAWN 78:60

Shi gaw anhte a ka-ang hta nga lai wa sai Shilo mare na sum nta hpe kau da nu ai.

GA SHAGAWP 5:14

Ngai gaw akajawng sha, shawa hpawng e, kaya kahpa hkrum mat ni ai,” nga nna tsun na ra ai.

YEREMIA 11:18

Dai Madu gaw nye a gumlau hpyen ni ngai hpe gyam nga ma ai lam ngai hpe shiga shana ya nga ai.

YEREMIA 23:11

Dai Madu gaw, “Myihtoi ni hte hkinjawng ni gaw karai kata ni rai ma ai; Ngai gaw Nawku Htingnu kata hta nan n hkru ai amu galaw nga ai shanhte hpe rim kau se ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 3:6

Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

YEREMIA 32:34

Shanhte gaw ngai hpe nawku na matu gaw gap da ai Nawku Htingnu hta pyi, matsat shabat re ai hpara sumla ni hpe tawn da nna dai hpe awu asin di kau ma ai.

YEREMIA 7:17

Yuda mare ni hte Yerusalem mare lam ni hta shanhte hpa galaw nga ma ai hpe nang n mu n ni?

YEREMIA 7:30

“Yuda amyu masha ni gaw n hkru ai amu galaw masai. Shanhte gaw nye a Nawku Htingnu kata hta ngai n dawng ai shanhte a hpara sumla ni hpe tawn da nna, dai hpe matsat shabat di kau manu ai.

EZEKELA 10:18

Dai hpang, dai Madu a htoi tu ai hpung shingkang gaw Nawku Htingnu chyinghka lam kaw nna pru mat wa nhtawm hkrung kanu ni a ntsa e sit sa wa nga ai.

EZEKELA 10:19

Ngai shanhte hpe azi yu nga yang, shanhte gaw shanhte a singkaw ni hpyan nhtawm ginding aga kaw nna pyen lung mat wa ai hte shanhte hte rau leng dingsen ni hkan nang nga ai. Shanhte gaw Nawku Htingnu a sinpraw maga na chyinghka e hkring nga ai hte dai htoi kabrim ai hpung shingkang gaw shanhte a ntsa e dan hkung nga ai.

EZEKELA 11:22

Dai hkrung kanu ni pyen hpang wa yang, leng dingsen ni mung rau hkan nang nga ma ai. Israela a Karai Kasang a htoi tu ai hpung shingkang mung shanhte a ntsa e rai nga ai.

EZEKELA 11:23

Dai hpang, htoi tu kabrim ai gaw dai mare kaw nna pru mat wa nhtawm mare a sinpraw maga e nga ai bum de htawt sit mat wa ai.

EZEKELA 14:6

“Dai re ai majaw, Tsaw Htum ai dai Madu ngai nan shanhte hte seng nna tsun ai ga, Israela amyu masha ni hpe htawn tsun u: Kayin wa marit, nanhte a matsat shabat re ai hpara sumla ni hpe kau da mu.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 43:8

Hkawhkam ni gaw nye a Nawku Htingnu hte man hkrum re ai chyinghka hkadun ni hte chyinghka hkinbawng ni hpe shanhte a hkawhkam htingnu hta gap da nga ma ai, shing rai anhte a lapran e shakum sha din nga ai. Shanhte gaw matsat shabat amu ni yawng galaw nna nye a chyoi pra ai mying ningsang hpe awu asin di kau ma ai; dai rai nna, nye a pawt sindawng ai hte shanhte hpe shamyit kau ni ai.

EZEKELA 47:6

Shi gaw ngai hpe, “Si chye ai masha wa e, ndai lam yawng hte hpe atsawm sha matsing tawn u,” ngu nna tsun wu ai. Dai hpang, dai masha wa gaw hka kau de ngai hpe bai woi nhtang wa ai hte

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 8:13

Dai hpang, dai Madu gaw ngai hpe, “Nang gaw shanhte galaw ai grau kaba ai matsat shabat amu ni hpe mu lu na rin dai,” ngu nna tsun wu ai.

EZEKELA 8:14

Dai rai nna, shi gaw ngai hpe dingdung maga de nga ai Nawku Htingnu a chyinghka lam de woi sa wa nna, Tamuza hpara chyasi a matu hkrap agru nga ai numsha ni hpe madun dan wu ai.

EZEKELA 8:7

Shi gaw ngai hpe shinggan wang chyinghka lam de woi sa nna ngai hpe wang bunghku hta waw taw nga ai hku langai madun dan wu ai.

EZEKELA 8:9

Shi gaw ngai hpe, “Shang u, dai yang e, shanhte galaw nga ai n hkru n shawp ai hte matsat shabat amu ni hpe yu yu u,” ngu nna tsun ai.

HOSEA 5:6

Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.