EZEKELA 8:4 - Jinghpaw Common Language Bible 2009

⁴ Ngai gaw Hkebara hka nu makau e nga nga yang, ngai mu yu sai zawn re ai Israela a Karai Kasang a hpung shingkang hpe madun dan ai htoi tu kabrim ai nhtoi hpe ngai mu nngai.

Jinghpaw Hanson Version Bible

⁴ Shaloi, yu u, pa ga e ngai mu yu ai shingran zawn, Israela Karai Kasang a hpung shingkang, dai yang e mung, dan hkung nga ai.

EZEKELA 8:4 ပူးပေါင်းရင်းမြစ်များ

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

YEREMIA 38:17

Dai hpang, Chyahtum Chyalai N-gun Rawng ai dai Madu Israela a Karai Kasang gaw, “Babelon hkawhkam wa a du salang ni kaw nang lata sharawt shang wa ai rai yang, na a asak lawt lu na rin dai; ndai mare mung hkru mat na ra ai n rai, nang hte na a dinghku masha ni mung hkrung nga lu na mara ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.