EZEKELA 8:3 - Jinghpaw Common Language Bible 2009

³ Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

Jinghpaw Hanson Version Bible

³ Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

EZEKELA 8:3 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

2 HKAWHKAM 16:14

Tawn hkungri nnan hte Nawku Htingnu a lapran e nga ai magri mang tawn hkungri hpe mung dai Madu hpe ap nawng ya nhtawm shi a tawn hkungri nnan a dingdung maga de Ahaza htawt sit da wu ai.

2 HKAWHKAM 2:16

“Nang e n-gun ja ai masha yawng anhte hta manga shi rai nga ga ai. Na a madu hpe sa tam saga. Dai Madu a wenyi gaw shi hpe shapoi mat wa nna bum ntsa hkan e mung, kadit shara nkau mi hkan e mung shi hpe tawn kau da mai nga ai,” ngu nna tsun ma ai. Elisha gaw, “N rai law, nanhte sa lu na myit dai n rai,” ngu nna htan wu ai.

2 HKAWHKAM 21:7

Shi gaw Dawi hpe mung, shi a kasha Shawlumon hpe mung dai Madu ning ngu hkang da ai Nawku Htingnu shara e nan Ashera karai num a hkrang sumla hpe shadun da nga ai: “Ngai hpe nawku na matu ndai Yerusalem mare hpe mung, ndai Nawku Htingnu hpe mung, Israela amyu bawsang shi lahkawng hte a lamu ga yawng hta na ngai lata la ai shara rai nga li ai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 34:14

Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

YEREMIA 32:34

Shanhte gaw ngai hpe nawku na matu gaw gap da ai Nawku Htingnu hta pyi, matsat shabat re ai hpara sumla ni hpe tawn da nna dai hpe awu asin di kau ma ai.

YEREMIA 7:30

“Yuda amyu masha ni gaw n hkru ai amu galaw masai. Shanhte gaw nye a Nawku Htingnu kata hta ngai n dawng ai shanhte a hpara sumla ni hpe tawn da nna, dai hpe matsat shabat di kau manu ai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 10:3

Dai wa shang sa mat wa yang, hkrung kanu ni gaw Nawku Htingnu a dingda maga e tsap nga ma ai; kata wang e mung sumwi ni hte hpring nga ai.

EZEKELA 11:1

Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

EZEKELA 11:24

Karai Kasang a wenyi gaw shi a shingran hta ngai hpe pawn la nna Babelon mung na bawng dung ai ni hpang de ngai hpe bai woi nhtang wa ni ai. Dai hpang shingran hkoi mat wa nna,

EZEKELA 2:9

Ngai hpang de lata ladawn nga ai hpe ngai mu nngai, dai lata gaw laika katsu hpe lang da nga ai.

EZEKELA 3:12

Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

EZEKELA 37:1

Dai Madu a hpung shingkang gaw ngai hta nga ai rai nna, shi a wenyi gaw ngai hpe woi lakawn mat wa nna, nrut nra ni hte hpring ai kadit shara hta tawn da wu ai.

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

EZEKELA 43:8

Hkawhkam ni gaw nye a Nawku Htingnu hte man hkrum re ai chyinghka hkadun ni hte chyinghka hkinbawng ni hpe shanhte a hkawhkam htingnu hta gap da nga ma ai, shing rai anhte a lapran e shakum sha din nga ai. Shanhte gaw matsat shabat amu ni yawng galaw nna nye a chyoi pra ai mying ningsang hpe awu asin di kau ma ai; dai rai nna, nye a pawt sindawng ai hte shanhte hpe shamyit kau ni ai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 7:20

Shanhte gaw shanhte a tsawm htap ai ja lung seng arai ni hta lang mi gumrawng lai wa yu manu ti mung, dai ni hpe matsat shabat re ai hpara sumla ni galaw ai hta lang ma ai. Dai re ai majaw, dai Madu gaw shanhte a ngamu ngamai ai sut gan hpe shanhte a matu matsat shabat re ai arai zawn shatai kau ya mu ai.

EZEKELA 8:5

Karai Kasang gaw ngai hpe, “Si chye ai masha wa e, dingdung maga de yu yu u,” ngu nna tsun wu ai. Shaloi ngai gaw dai maga de mada yu ai hte chyinghka lam a shang lam e nga ai tawn hkungri makau hta Karai Kasang hpe nchyi nmu byin shangun ai nsu nnawn hpara sumla langai mi nga nga ai hpe ngai mu nngai.

EZEKELA 9:2

Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

Daniela 10:10

Dai hpang marai langai mi a lata hte ngai hpe jum da nna nye a lata hte lahput magra da let ngai hpe sharawt la nga ai. Ngai gaw dai aten du hkra hkrit gari nga nngai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

Daniela 5:5

Masha langai mi a lata akajawng sha dan pru wa nhtawm pyengdin ni hta grau htoi kabrim nga ai hkawhkam htingnu na engade chya da ai shakum hta ka hpang wa nga ai. Hkawhkam wa gaw laika ka nga ai lata hpe mu dat wu ai.

KASA 8:39

Shan hka na lung wa ma yang dai Madu a Wenyi Hpilip hpe woi mat wa wu ai. Du wa mung Hpilip hpe bai n mu nu ai rai tim shi sa wa ai lam de kabu gara let wa mat nu ai.

TARA JAHPRANG 32:16

Shanhte nawku ai hpara sumla a majaw, dai Madu hpe n dawng shangun; shanhte galaw ai n hkru ai amu hte shi hpe pawt sindawng shangun nga masai.

TARA JAHPRANG 32:21

Shanhte a hpara sumla ni hte ngai hpe masin pawt shangun nna; mying gun hpara ni, ngai hpe yu manawn nga ma ai; dai hpara ni mahtang karai jet ni n rai ma ai. Dai rai nna, hti n mai ai amyu hpe ngai lang nna shanhte hpe masin pawt shangun na nngai; angawk angak re ai amyu hte mung shanhte hpe manawn shangun na nngai.

TARA JAHPRANG 4:24

hpa majaw nga yang, dai Madu nanhte a Karai Kasang gaw grung nga ai wan shinglet zawn rai nna shingjawng kashun ai ni hpe yu matsan dum nga ai n rai.

TARA JAHPRANG 5:9

Kaning san ai hpara sumla hpe mung hkum kadawng hkum naw myit; Ngai gaw dai Madu nanhte a Karai Kasang rai nga nngai majaw shingjawng kashun ai hpe hkam sharang lu na nngai n rai. Dai rai nna ngai hpe n dawng n yawt ai ni hte shanhte a matu mara ni hpe prat ban masum mali du hkra ari jaw na mawe ai.

TARA JAHPRANG 6:15

Kaga karai shaje ni hpe nanhte nawku myit dai rai yang, nanhte hte rau anga nga ai dai Madu nanhte a Karai Kasang gaw shingjawng kashun ai hpe n hkam sharang lu ai majaw dai Madu a masin kahtet ai gaw wan zawn chyi nna, nanhte hpe atsai awai shamyit kau na rai wu ai.

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;