EZEKELA 8:10 - Jinghpaw Common Language Bible 2009

¹⁰ Dai rai nna, kata de ngai shang yu yang, lapu hte kaga n san n seng ai dusat ni hte Israela amyu masha ni nawku nga ai kaga hpara sumla ni hpe bunghku ni hta soi shakap da ai hpe ngai mu nngai.

Jinghpaw Hanson Version Bible

¹⁰ Shing rai ngai shang yu yang, yu u, gumrawt hkawm ai baw hte matsat shabat re ai matse labye amyu myu hpe mung, Israela amyu nawku ai sumla ni nlang hte hpe mung, bunghku hta ka da nga ai hpe, ngai mu nngai.

EZEKELA 8:10 ပူးပေါင်းရင်းမြစ်များ

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

ESAIA 44:13

Lasama wa gaw hpunpyen shadawn nga ai. Shi a nta nhku e tawn da na matu tsawm htap ai masha hkrang sumla tawk galaw lu hkra, ga hpraw hte sumla hkrang mahkret nhtawm, shi a lasama arung arai ni hte tawk nga ai.

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

YEREMIA 3:9

loi mi mung kaya n chye mat nu ai. Shi gaw lamu ga hpe awu asin di nga ai; nlung hte hpun ni hpe nawku ai lai hku nna numshaw lashaw amu shut hpyit nga wu ai.

YEREMIA 44:21

“Nanhte hte nanhte a nji nwa ni, nanhte a hkawhkam ni hte nanhte a du salang ni hte mung masha ni, Yuda mare ni hte Yerusalem mare lam ni hta nanhte nawng jau ai shagu hkungga lam ni hpe dai Madu n chye ai hte malap kau na wu ai ngu nna nanhte myit nawn da mu ni?

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

EZEKELA 11:12

Nanhte gaw nye a hkang da ai ga hte matsun maroi tara ni hpe n madat n mara ai sha, jahten kau nhtawm nanhte a grup yin na masha amyu baw ni a htung tara ni hpe shadik shatup myit dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 23:14

“Shi gaw n shawp n kap ai amu hta grau grau lup shang mat wa nga ai. Nshang ni hta shingkyit kyit nna bunghkaw hkaw da nhtawm kaba ai arawng aya hkam la ai Babelon du salang ni a hkrang bung sumla ni hpe shakum hta tawk da nna dai hpe hkyeng mang ai tsi hte chya da ai sumla ni a majaw, shi a myit gang la hkrum nga wu ai.

EZEKELA 8:11

Dai shara hta Israela ningbaw marai sanit shi hte hpawn Shahpan a kasha Yazania ni nga nga ma ai. Shanhte langai hte langai gaw manam pyaw ai baw nat nawng ya ai ban ni lang da nna dai ban kaw na wan hkut ni mawng lung wa nga ai.

EZEKELA 8:9

Shi gaw ngai hpe, “Shang u, dai yang e, shanhte galaw nga ai n hkru n shawp ai hte matsat shabat amu ni hpe yu yu u,” ngu nna tsun ai.

ROMA 1:23

N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

TARA JAHPRANG 14:3

“Dai Madu tsun sai n san n seng ai baw hpe hkum sha myit;

TARA JAHPRANG 4:16

numsha hte mung bung ai hkrang sumla nanhte a matu galaw let yubak n galaw hkrup myit ga, tinang nang a mai kaja ai lam hta shangang shakang nga mu.

TARA JAHPRANG 4:18

ga ntsa gumrawt hkawm ai dusat amyu a hkrang, hka kata e rawng ai nga amyu baw a hkrang ni hte bung ai tawk la ai sumla ni galaw lu na n rai.

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 4:25

“Nanhte gaw kashu kasha shaprat nna dai mungdan e aten na na nga wa myit dai shaloi mung, nanhte a matu ngu nna lama ma a hkrang hte bung ai hpara sumla hpe tawk let yubak mara hkum galaw shapraw myit. Dai zawn re ai amu gaw dai Madu a man e n hkru ai amu rai nga ai hte dai gaw shi hpe masin pawt shangun na rai myit dai.