EZEKELA 7:7 - Jinghpaw Common Language Bible 2009

⁷ Mungdan hta shanu nga ai amyu masha ni e, na a matu jahtum aten du ra ai. Dai aten gaw ni magang wa ra ai; bum ntsa hkan na nawku ai shara ni hta awng padang masat poi galaw ai lam nga na ra ai n rai, kashuk kashak chyu sha byin ai aten du na ra ai.

Jinghpaw Hanson Version Bible

⁷ Mung e shanu ai wa e, nang hkrum sha na ari du ra ai; aten du sai, nhtoi gu sai; dai gaw hpyen garu ai shani rai nga nna, bum lang ntsa e kabu jahtau ai nsen n na lu sai.

EZEKELA 7:7 ပူးပေါင်းရင်းမြစ်များ

NINGPAWT NINGHPANG 19:15

Nhtoi htoi ai aten hta, lamu kasa yan mung Lawt hpe shatin mu ai. Shan gaw, “Hkum lanyan nga masa; Ya ndai mare hpe jahten kau ai shaloi nanhte a asak n sum hkrum u ga, na a madu jan hte shayi sha lahkawng yan hpe woi nna pru mat wa manu,” ngu nna tsun mu ai.

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

ESAIA 13:22

Langchyi ni hte hkawhkam htingnu ni hta nam gwi ni hte gwi ma-a ni a jahtau ai hpungtang kashaw nsen na na ra ai. Babelon a aten du nu hka! Shi a nhtoi ni ganoi lai wa magang nga sai,” ngu nna tsun ai.

ESAIA 16:10

Ya chyawm gaw namhpun kaja ai yi hkauna ni hta kabu gara ai lam n nga sai. Kadai mung sabyi sun ni hta jahtau garu ai hte mahkawn mangoi ai lam n nga sai. Sabyi ntsin galaw shapraw na matu kadai mung sabyi si kabye ai n rai; kabu gara jahtau garu ai nsen htum mat sai.

ESAIA 17:14

Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

YEREMIA 50:27

Shanhte a hpyenla yawng hpe sat kau mu! Shanhte hpe sat sharu kau mu! Babelon masha ni gaw tara daw dan ai hkrum nga manu ai! Shanhte hpe ari jaw na aten du nga sai!,” ngu nna tsun ai.

EZEKELA 12:28

Dai rai nna, Tsaw Htum ai dai Madu ngai nan shanhte hpe ning ngu tsun nga ai lam tsun u: Dai gaw loi mi pyi aten la htingnai nga na ra ai n rai, ngai tsun ni ai hte maren byin wa na ra ai. Tsaw Htum ai dai Madu ngai nan tsun ni ai!,” ngu nna tsun ai.

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?