EZEKELA 7:5 - Jinghpaw Common Language Bible 2009

⁵ Da ndai gaw Tsaw Htum ai dai Madu tsun nga ai ga rai nga ai: “Tsin-yam tsindam gaw na a ntsa e langai a hpang langai kahtap kala du nga ai.

Jinghpaw Hanson Version Bible

⁵ Madu Yehowa ning nga ai: “Tsin-yam tsindam, tsin-yam tsindam langai mi, --yu u, dai du ra ai.

EZEKELA 7:5 ပူးပေါင်းရင်းမြစ်များ

GA SHAGAWP 13:21

Ruyak tsin-yam gaw yubak kap ai masha ni kaw, shara shagu hta hkan nang nga ai; ding hpring ai masha ni chyawm gaw mai kaja ai arai hpe hkam la lu na mara ai.

GA SHAGAWP 24:16

Ding hpring ai masha wa gaw gade lang kataw ti mung, shi gaw tut nawng e, bai rawt wa lu nga ai; rai ti mung, tsin-yam tsindam gaw tara n lang ai wa hpe jahten sharun kau nga ai.

ESAIA 21:12

Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

YEREMIA 19:3

Dai Madu gaw ngai hpe, “Yuda mung na hkawhkam ni hte Yerusalem masha ni e, Chyahtum Chyalai N-gun Rawng ai dai Madu Israela a Karai Kasang ngai tsun ai ga hpe madat mu. Ngai gaw ndai shara hta dai zawn re ai tsin-yam tsindam hpe shapraw dat na nngai, shaloi dai lam hpe na ai ni langai hte langai gaw hkrit kajawng mat na mara ai.

EZEKELA 5:9

Nang gaw ngai matsat ai amu ni yawng hpe galaw ndai majaw shawng de ngai galoi mung n galaw yu ai, galoi mung bai n galaw sana ari ahpri, Yerusalem hpe ngai jaw na nngai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

EZEKELA 7:2

Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

AMO LAIKA (AMOS) 3:2

“Ginding aga ntsa na masha amyu baw yawng hte e, nanhte gaw ngai chye nna lanu lahku la yu sai ni chyu sha rai nga myit dai. Dai gaw nanhte a yubak mara hpe grai hkrit tsang shangun nga ai, dai re ai majaw, ngai gaw de a matu nanhte hpe ari jaw na nngai.”

NAHUM 1:9

Nanhte gaw Madu hpe ninghkap na hpa baw maw mawn nga myit ni? Shi gaw nang hpe jahten shaza kau na ra ai. Kadai mung shi hpe kalang mi hta jan nna ninghkap lu ai n rai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

MAHTE 24:21

Hpa majaw nga yang, mungkan ga nnan lat kaw nna dai ni du hkra galoi mung garai n byin yu ai hte hpang de mung galoi n byin lu na ru tsang kaba hta grau sawng ai rai na ra ai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.