EZEKELA 7:23 - Jinghpaw Common Language Bible 2009

²³ “Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

Jinghpaw Hanson Version Bible

²³ Hpri sumri hpe galaw u; mungdan gaw masha sat ai yubak hte hpring nga nna, mare gaw kashun kashe hte chyat nga ai.

EZEKELA 7:23 ပူးပေါင်းရင်းမြစ်များ

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 27:2

nang hkum nan shanhpyi jinghpa hte hpun kandang langai mi galaw nna, dai hpe na a du hta mara tawn da u, ngu nna tsun wu ai.

YEREMIA 40:1

Hpyen luksuk ni a hpyen du Nebuzaradan gaw ngai hpe Rama mare e dat tawn ai hpang, dai Madu gaw ngai hpe mungga tsun wu ai. Ngai gaw Babelon mung de bawng dung hkrum mat wa ai Yerusalem mare masha ni hte Yuda mung masha ni yawng hte rau dai yang e sumri gyit sharen da ai hkrum nga nngai.

YEREMIA 6:7

Hka htung gaw dai kaw na mu ai hka shapraw ya ai zawn, Yerusalem shi a n hkru ai amu hpe shapraw nga ai. Ngai gaw dai mare na kashun kashe du daw sai hkaw amu hte jahten shaza lam hpe na nngai; machyi makaw hte hkala nba lam yawng hpe mung ngai mu nngai.

YEREMIA 7:6

Malet nhprang manam, jahkrai nmai hte gaida gaina ni hpe zai hku adip arip hkum galaw et; Ndai lamu ga hta nga ai mara n kap ai masha ni hpe sat ai lam hkum galaw et. Kaga karai ni hpe nawku ai majaw nang jahten shaza kau ai n hkrum u ga, dai hpe tawn kau u.

SHARUNG SHAYAWT 3:7

Shi gaw ngai hpe hpri sumri ni hte gyit hkang da nu ai; ngai gaw hprawng lawt lam a myit mada shara n nga ai bawng masha langai rai nga nngai.

EZEKELA 11:6

Nanhte gaw ndai mare hta amyu masha law law hpe sai jahkaw ai amu galaw manit dai majaw nmaw lam ni hta si mang ni hte hpring nga ai.

EZEKELA 12:19

Ndai gaw Tsaw Htum ai dai Madu shi nan Yerusalem mare masha ni hpe lakap nna shanhte a mungdan hta naw shanu nga ai ni hpe tsun ai mungga rai nga ai; dai hpe amyu baw ting hpe htawn tsun dan u; shanhte lusha sha ai shaloi gari na mara ai, shanhte ntsin lu ai shaloi hkrit gari ai hte ashun na mara ai. Shanhte a mungdan hta shanu nga ai masha shagu hte gaw hkang da ai tara hpe n hkan ma ai majaw shanhte a mungdan gaw katsi katsang akrin akraw shara tai mat na ra ai.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 22:13

“Ngai gaw na a damya amu ni hte masha sat ai amu ni hta nye a lata du na ra ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 22:9

Na a amyu masha ni hta na nkau mi gaw sat kau hkrum na matu kaga masha ni a lam ni hpe masu magaw ga tsun nga ai. Amyu masha nkau mi gaw hpara sumla ni hpe nawng jau ai shagu hkungga shan ni hpe sha nga ma ai. Nkau mi gaw shanhte a ngang gayut ai amu ni hta tut nawng myit dik dum nga ma ai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

EZEKELA 8:16

Dai rai nna, shi gaw ngai hpe Nawku Htingnu wang kata de matut nna woi sa wa wu ai. Dai chyoi pra ai Nawku Htingnu a chyinghka lam makau na npan hte tawn hkungri lapran e masha hkun manga daram nga nga ma ai. Shanhte gaw chyoi pra ai Nawku Htingnu hpe shingdu dat kau nhtawm, sinpraw maga de gum dagup let, rawt lung wa nga ai ajan hpe nawku nga ma ai.

EZEKELA 8:17

Dai Madu gaw ngai hpe, “Si chye ai masha wa e, dai amu hpe nang mu nu ni? Ndai Yuda amyu masha ni gaw ndai yang e nang mu nit dai shanhte galaw ai matsat shabat amu ni yawng hte mungdan ting hta kashun kashe du daw sai hkaw amu shachyam shabra ai hta pyi myit dik dum nga ma ai n rai. Shanhte gaw ndai Nawku Htingnu kata hta nan sa nna ngai hpe grau nna masin pawt shangun nga ma ai. Shanhte gaw ngai hpe dang lu ai made n rawn n wawm ai hku kade daram n kaw n law di ma ai hpe mada yu u!

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.