EZEKELA 7:22 - Jinghpaw Common Language Bible 2009

²² Sut gan arung arai hte hpring ai nye a Nawku Htingnu gaw awu asin hkrum nna; damya ni mung dai hpe shang jahten ai hte awu asin di kau ai shaloi, ngai dingbai dingna jaw na nngai n rai.

Jinghpaw Hanson Version Bible

²² Ngai gaw nye a myi man kayin kau nna, shanhte gaw nye a chyoi pra shim ai shara hpe, awu asin di kau na mara ai: damya ni mung dai hta shang lu nna, awu asin di kau na mara ai.

EZEKELA 7:22 ပူးပေါင်းရင်းမြစ်များ

SHAKAWN KUNGDAWN 10:11

Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

SHAKAWN KUNGDAWN 35:22

Rai ti mung, Madu e, nang gaw dai lam ni hpe mu nit dai majaw, Madu e, atsin sha hkum nga nga et, ngai hte ani sha nga nga u law!

YEREMIA 18:17

Ngai gaw shanhte hpe sinpraw nbung e shapoi kau ai ga nhpu zawn, nye a amyu masha ni hpe shanhte a gumlau hpyen ni a man e shabra kau na we ai. Ngai gaw shanhte hpe shingdu kayin kau na nngai; tsin-yam tsindam du ai shaloi, ngai shanhte hpe karum na nngai n rai,” ngu nna tsun ai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 19:4

Ngai gaw ndai amu hpe galaw na nngai, hpa majaw nga yang, amyu masha ni gaw ngai hpe kau da manu ai; shanhte mung, shanhte a kaji kawa ni mung, Yuda hkawhkam ni mung n chye ai kaga karai ni hpe ndai shara ni hta shagu hkungga ni nawng jau ai hte matsat shabat di kau manu ai. Shanhte gaw ndai shara hta mara n kap ai amyu masha ni a asai ni hte jahpring manu ai,

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.