EZEKELA 7:21 - Jinghpaw Common Language Bible 2009

²¹ “Dai Madu gaw, “Ngai gaw maigan masha ni hpe dai arai ni hpe kashun la shangun na nngai, tara n hkan ai masha ni mung shanhte a sut gan yawng hpe la kau ya nna awu asin di kau na mara ai.

Jinghpaw Hanson Version Bible

²¹ Masha tsasam ni dai hpe kashun la lu nna, dai gaw ga ntsa gumshem ai ni a lanep tai wa lu hkra, ngai dai hpe shanhte a lata de ap kau nna, shanhte gaw dai hpe awu asin di kau na maru ai.

EZEKELA 7:21 ပူးပေါင်းရင်းမြစ်များ

2 HKAWHKAM 24:13

Nawku Htingnu hte hkawhkam htingnu kata na sut rai yawng mayawng hte hpe Babelon mung de htawm mat wa wu ai. Dai Madu hkang da sai hte maren, Nawku Htingnu hta lang na matu Hkawhkam Shawlumon e ja hte galaw da ai arung arai hkinghku ni yawng hpe Nebuhkadneza agrawp jahten kau wu ai.

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

SHAKAWN KUNGDAWN 109:11

Shi a hka madu ni shi a sut gan arung arai yawng hte hpe la kau ya nga mu ga; masha tsasam ni mung, shi galaw ai bungli akyu mahkra hte hpe hkam sha lu mu ga.

SHAKAWN KUNGDAWN 79:1

O Karai Kasang e, maigan amyu ni na a lamu ga hpe shang gasat ma ai; na a chyoi pra ai Nawku Htingnu hpe shanhte awu asin di kau nga manu ai; Yerusalem mare hpe mung jahten sharun kau da manu ai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

EZEKELA 31:12

Gumshem ai maigan masha ni mung dai hpe kran kadawng kau nna tawn da na mara ai. De a lakung lakying ni hte daw agrawp mat sai hpun daw hpun shan ni gaw bum shagu a ntsa e mung, mungdan na kadit shagu hta mung hkrat taw nga na ra ai. De a hpun shingnip hta nga lai wa yu sai masha amyu baw ni yawng mung pru mat wa na mara ai.