EZEKELA 7:2 - Jinghpaw Common Language Bible 2009

² Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

EZEKELA 7:2 ပူးပေါင်းရင်းမြစ်များ

NINGPAWT NINGHPANG 6:13

Karai Kasang gaw Noa hpe, “Ndai shinggyim masha ni yawng hpe jahtum kau na matu, ngai daw dan da se ai. Shanhte a kashun kashe du daw sai hkaw amu ni gaw ndai mungkan hta hpring chyat nga ai majaw, shanhte hpe ngai atsai awai shamyit kau na nngai.

2 HKAWHKAM LABAU 34:7

Shi gaw Dingdung Mungdan ting de du hkra nga ai tawn hkungri ni hpe mung, Ashera hpara sumla hkrang ni hpe mung hpara sumla ni hpe mung ayun ayaw di nna agrawp mani kau nhtawm manam pyaw ai baw nat nawng ya ai tawn hkungri ni yawng hpe mung agrawp mani kau wu ai. Dai hpang Yerusalem de shi bai nhtang mat wa wu ai.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 4:18

Dai gumlau hpyen wa gaw anhte hpe azi yu nga ai; anhte gaw nmaw lam hkan e pyi n hkawm lu saga ai. Anhte a nhtoi ni mung lai mat sai; jahtum aten du nga sai.

EZEKELA 11:13

Ngai myihtoi htoi nga yang pyi, Pelatia gaw du krung shakya kau ai hte si mat sai. Ngai gaw nye a myi man hpe ga de gum dagup let, “Tsaw Htum ai Madu e, nang gaw Israela mung hta naw ngam nga ai masha shagu hte hpe sat kau na ngu wu ni?,” ngu nna jahtau tsun nngai.

EZEKELA 12:22

Shi gaw, “Si chye ai masha wa e, hpa majaw Israela amyu masha ni gaw, ‘Aten ladaw lai mat nna tau tsun ga ni hpa rai n byin ai kun?,’ nga nna dai ga shagawp hpe kahtap tsun tsun rai nga ma ni?

EZEKELA 21:2

Shi gaw, “Si chye ai masha wa e, Yerusalem hpe jahpoi kau u. Amyu masha ni nawku ai shara ni hpe mung jahpoi kau u.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

EZEKELA 21:4

Ngai gaw nye a nhtu lang nna dingdung maga kaw nna dingda maga du hkra shanu nga ai masha shagu hpe hkap daw na nngai.

EZEKELA 21:7

Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai Madu nan tsun wu ai.

EZEKELA 35:5

“Nang gaw Israela hte galoi mung hpyen ai gumlau hpyen rai nga ndai; shanhte tsin-yam tsindam hkrum ai aten hte shanhte galaw ai yubak ni a majaw jahtum ari jaw ai aten hta, shanhte a amyu masha ni hpe sat kau nga ndai.

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

EZEKELA 7:1

Dai Madu gaw ngai hpe ga shaga wu ai.

EZEKELA 7:3

“Israela e, jahtum ai gaw du nit dai. Nang galaw dan sai amu hte maren ngai nang hpe tara jeyang nga nngai majaw nang gaw nye a sindawng kahtet ai hpe hkam sha na rai ndai. Ngai gaw nang galaw ai matsat shabat amu yawng a matu nang hpe htang jaw na nngai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

MAHTE 24:6

Nanhte gaw ni ai, tsan ai shara hkan na majan gasat ai shiga nsen ni na lu na marin dai; rai ti mung myit hkum ru myit. Shing re ai lam ni gaw byin lu na ra ai, rai ti mung, dai ni gaw jahtum nhtoi du sai ngu ai lachyum garai n rai nga ai.

TARA JAHPRANG 32:20

Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

SHINGRAN 20:8

Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

SHINGRAN 7:1

Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.