EZEKELA 7:19 - Jinghpaw Common Language Bible 2009

¹⁹ Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

Jinghpaw Hanson Version Bible

¹⁹ Shanhte gaw tinang a gumhpraw hpe mare lam ni hta kabai kau nna, tinang a aja hpe n san n seng ai arai zawn, nawn na maru ai; Yehowa n-yun bu ai shani e, shanhte a aja gumhpraw shanhte hpe mawai la lu ai n rai: dai gaw, shut hpyit ai amu galaw hkra, shanhte a myit kataw shara rai nga ai majaw, shanhte a myit masin hpe jahkru shakat lu na n rai, tinang kan hpe mung, jahpring lu na n rai.

EZEKELA 7:19 ပူးပေါင်းရင်းမြစ်များ

2 HKAWHKAM 7:15

Shanhte gaw Yawdan hka du hkra hkan nang nga ma ai rai nna Suri masha ni hprawng nna kabai kau da ai hpun palawng hte arung arai ni lam dingyang hkan taw nga ai hpe shanhte sa mu ma ai. Dai hpang hkawhkam wa hpang de shanhte nhtang wa nna shiga wa shana ma ai.

GA SHAGAWP 10:2

N ding n man ai hte lu tam ai sut gan gaw nang hpe hpa mung akyu n jaw nga ai, rai ti mung, myit malang ai gaw na a asak hpe hkye hkrang la nga ai.

GA SHAGAWP 11:4

Si ai de nang myi man yawng ai shani e, sut gan gaw nang hpe hpa karum lu na n rai; ding man ai lam chyawm gaw na a asak hpe hkye hkrang la lu nga ai.

HPAJI NINGLI 5:10

Nang gumhpraw marin ndai rai yang, galoi mung myit dik lu na ndai n rai; sut su na matu marit nga ai rai yang, nang ra ai arai yawng mayawng galoi mung lu la na ndai n rai; dai mung kaman lila rai nga ai.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

EZEKELA 13:5

Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

EZEKELA 14:7

“Israela amyu masha shing n rai Israela amyu ni hte rau hpawng nga ai maigan amyu masha langai ngai gaw ngai hpe myi man kayin kau da nhtawm, hpara sumla ni hpe nawku dingnyawm let, myihtoi wa hte bawng ban jahkrup na matu du sa wa ai shaloi, dai Madu ngai nan nang hpe mahtai jaw na we ai!

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 44:12

Rai ti mung, Israela amyu masha ni hpe hpara sumla woi nawku nna, dai lam hku nna yubak lam de shanhte woi sa nga ma ai majaw, shanhte ari hkrum lu na hpe Tsaw Htum ai dai Madu ngai nan dagam da se ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

ROMA 11:9

Dawi mung, “Shanhte a lusha poi ni gaw shanhte a matu mahkam dawnggawng zawn tai nna, hkrat sum ai hte ari jaw ai hkrum mu ga.