EZEKELA 7:18 - Jinghpaw Common Language Bible 2009

¹⁸ Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

Jinghpaw Hanson Version Bible

¹⁸ Shanhte gaw tinang hkum hpe lachyit nba lawai nna, hkrithpa shanhte hpe htinggrum na ra ai: myi man yawng sum mat nna, baw shagu kara doi kau ai hkrum na mara ai.

EZEKELA 7:18 ပူးပေါင်းရင်းမြစ်များ

NINGPAWT NINGHPANG 15:12

Jan shang wa jang, Abram gaw n dum mat hkra yup nga ai rai nna ja ja hkrit gari mat wu ai.

YOBA 21:6

Ngai hta hpa byin lai mat wa sai lam hpe ngai myit yu ai shaloi, ngai mahtang htwi kadawng ai hkrum nna, hkrit gari ai hte ashun nga nngai.

SHAKAWN KUNGDAWN 35:26

Nye a nni nkri hpe yu kabu nga ai ni, tsep kawp sum mat ai hte shanut kau ai hkrum nga mu ga. Ngai hta grau ai ni re ngu nna tsun ai ni gaw, kaya kahpa hte myi man sum ai hkrum sha mu ga.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

YEREMIA 3:25

Anhte gaw kaya kahpa hte kaleng taw nga ang saga ai, anhte a kaya kahpa gaw anhte hpe ka-up da mi ga. Anhte hte anhte a kaji kawa ni gaw dai Madu anhte a Karai Kasang hpe tut nawng yubak galaw kau saga ai; anhte gaw shi a hkang da ai ga hpe galoi mung n madat kau saga ai.”

YEREMIA 48:37

Shanhte yawng gaw kara shangun kau ma ai; shanhte a nhka mun ni hpe mung shangun ma ai. Shanhte yawng gaw shanhte a lata ni hpe jahpye kau nhtawm marai hkum shagu lachyit nba hpun ma ai.

YEREMIA 6:25

Anhte a gumlau hpyen ni laknak hpai ma ai, hkrit hpa kajawng kaja gaw anhte yawng hte hpe wang shinggrup da mi ai majaw, mare shinggan de mung anhte n gwi pru ga ai, nmaw lam hkan e mung n hkawm sa gwi nga saga ai,” ngu nna tsun ma ai.

YEREMIA 6:26

Dai Madu gaw shi a amyu masha ni hpe, “Lachyit nba bu hpun nna wan dap hta galwi nga mu; nang hpe jahten sharun na matu akajawng sha htim gasat sa wa ai a majaw, shadang sha shingtai si mat wa ai zawn, aja awa sharung shayawt nga mu.

EZEKELA 27:31

Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.