EZEKELA 7:16 - Jinghpaw Common Language Bible 2009

¹⁶ Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

Jinghpaw Hanson Version Bible

¹⁶ Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

EZEKELA 7:16 ပူးပေါင်းရင်းမြစ်များ

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

SHAKAWN KUNGDAWN 55:2

Ngai hpe madat ya nna htan ya e; nye a myit ru myit tsang ai lam ni hta ngai hki ba la nga nngai.

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 37:31

Yuda mung hta naw ngam nga ai ni gaw ga kata de sung sung ru jung nna asi si kung dam wa ai hpun zawn gumring gumrat wa na ra ai.

ESAIA 38:14

Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

ESAIA 59:11

Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

ESAIA 59:12

Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

YEREMIA 44:14

Egutu mung hta sa shanu nga ai, ngam nga ai Yuda masha ni gaw langai mi mung lawt wa lu nna asak hkrung nga lu na mara ai n rai. Shanhte hta na langai wa mi mung kalang mi bai wa nga na matu shanhte marit nga ai Yuda mung de nhtang wa lu na mara ai n rai. Hprawng lawt lu ai ni hta jan nna, langai mi mung nhtang wa lu na mara ai n rai,” ngu nna tsun ai.

YEREMIA 44:28

Rai ti mung, nanhte hta na nkau mi gaw si hkrung si htan kaw na hprawng lawt wa nhtawm Egutu mung kaw nna Yuda mung de nhtang wa na marin dai. Shaloi asak naw hkrung nga lu ai ni gaw nye a ga mahtang, shing n rai, shanhte a ga mahtang teng ai n teng ai hpe chye wa na mara ai.

YEREMIA 9:19

Ziun hta ning nga hkrap ngu hkrap ngoi ai nsen hpe madat mu: “Anhte hten run mat saga ai! Anhte gaw dik hkra jahpoi asawng ai hkrum saga ai! Anhte gaw anhte a mungdan hpe kau da ra sai; anhte a dum nta ni run kau hkrum sai.”

EZEKELA 14:22

Marai langai ngai asak naw hkrung nga nna shi a kashu kasha ni hpe hkye mawai la nhtawm nanhte hpang de du sa wa ai rai yang, shanhte hpe mada yu mu; shanhte kade n hkru nga ai hpe yu yu mu, dai hpe yu yu yang, Israela mare a ntsa e ngai shapraw ai tsin-yam tsindam ari jaw ai lam rap ra nga ai hpe chye na hkawn hkrang nga mu;

EZEKELA 34:6

Dai rai nna, nye a sagu ni gaw tsaw ai kawng ni hte bum ntsa hkan e dam hkawm nga ma ai. Dai ni gaw ga ntsa ting hta bra hkawm nga nna shanhte hpe hkan yu, tam sawk shakut ai wa langai mi mung n nga nga ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

NAHUM 2:7

Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!