EZEKELA 7:15 - Jinghpaw Common Language Bible 2009

¹⁵ Lam nmaw ni hkan gasat gala ai hte nta kata hkan machyi makaw hte kawsi kyet nga ai. Mare shinggan de pru hkawm ai ni kadai mung gasat gala ai hta si na mara ai; mare kata e nga ai ni kadai mung machyi makaw hte kawsi kyet ai tsin-yam tsindam hkrum na mara ai.

Jinghpaw Hanson Version Bible

¹⁵ Shinggan de ri nhtu, kata de ana zinli hte hku wa, rai nga ai; pa e nga ai wa gaw nhtu hte si na ra ai; mare kata e nga ai wa gaw, hku wa hte ana zinli e htum mat na ra ai.

EZEKELA 7:15 ပူးပေါင်းရင်းမြစ်များ

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

SHARUNG SHAYAWT 1:20

“O Madu e, nye a tsin-yam tsindam hpe mung, nye a wenyi a ru yak makyin madut hpe mung mada yu u! Nye a myit masin gaw nye yubak ni a majaw yawn hkyen ai hte daw hten mat sali ai. Nmaw lam ni hkan masha sat amu nga nga ai; nhku kata e pyi si hkrung si htan gaw nga nga ai.

SHARUNG SHAYAWT 4:9

Hpyen majan hta si mat wa ai ni gaw lusha kyet nna angwi ngwi sha nsa hkyet mat wa ai hkrum let, si mat wa ai ni hta grau nna kaja nga ma ai.

EZEKELA 12:16

Ngai gaw shanhte hta na nkau mi hpe hpyen majan, kawsi kyet si ai hte ana zinli kaw nna shalawt dat na nngai, masha amyu baw ni a lapran e shanhte galaw lai wa sai arawn alai ni kade daram matsat shabat rai nga sai hpe myit dum wa nhtawm, ngai nan dai Madu rai nga nngai hpe shanhte yin la na mara ai,” ngu nna tsun wu ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 6:11

Tsaw Htum ai dai Madu gaw, “Israela amyu masha ni galaw ai n hkru n shawp ai hte matsat shabat amu yawng a majaw, na a lata hpe manat jum da u! Na a lagaw hkindit u! Yawn hkyen ai hte marawn jahtau u. Shanhte gaw hpyen majan hta mung, kawsi kyet ai hte ana zinli ni hta si mat na mara ai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.