EZEKELA 7:14 - Jinghpaw Common Language Bible 2009

¹⁴ Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

Jinghpaw Hanson Version Bible

¹⁴ Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

EZEKELA 7:14 ပူးပေါင်းရင်းမြစ်များ

YEREMIA 12:12

Nam mali hkan na tsaw ai kawng ni yawng hpe kashun kashe du daw sai hkaw amu galaw na matu masha ni du nga masai. Ngai gaw mungdan ting hpe jahten shabyak kau na matu majan baw dat ni ai; kadai mung ngwi pyaw sim sa ai hte nga lu na ra ai n rai.

YEREMIA 4:5

Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

BU HKAWM 10:9

Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.