EZEKELA 7:12 - Jinghpaw Common Language Bible 2009

¹² Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

Jinghpaw Hanson Version Bible

¹² Aten du sai, nhtoi gu sai; mari ai wa gaw hkum kabu et, dut ai wa mung hkum yawn et; kaning rai nme law, yawng mayawng a ntsa e sindawng kahtet ai jung nga ai.

EZEKELA 7:12 ပူးပေါင်းရင်းမြစ်များ

GA SHAGAWP 20:14

Gat mari ai ni gaw gat rai manu nau tsaw ai nga nna tut nawng e, aput angun rai nga ma ai; shi pru wa nna, lu dara ai gat rai hta, grang dakat nga ai.

ESAIA 21:12

Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

EZEKELA 12:23

Ya chyawm gaw, Tsaw Htum ai dai Madu ngai nan dai hpe lakap nna tsun ai ga, shanhte hpe htawn tsun u. Ngai gaw dai ga shagawp hpe shamat shaprai kau na nngai. Dai ga hpe Israela amyu masha ni hta galoi mung kahtap tsun sana ma ai n rai. Shing nga tsun na malai, dai aten ladaw gaw du sai, tau tsun da ai ga ni mung teng teng byin nga sai!, ngu nna shanhte hpe tsun u, nga ai.

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!