EZEKELA 7:11 - Jinghpaw Common Language Bible 2009

¹¹ Kashun kashe du daw sai hkaw amu gaw grau nna n shawp ai amu hpe shadan shapraw ya nga ai. Shanhte a ngamu ngamai ai sut gan, hkik hkam ai arawng sadang hte shanhte a hpung ningja dan hkung ai hpa mung shanhte hta nga na ra ai n rai.

Jinghpaw Hanson Version Bible

¹¹ Kashun kashe gaw tara n lang ai wa a dawhkrawng tai wa sai; rai timung, shanhte hta na mung, shanhte a wunawng wuwa ni hta na mung, shanhte a arung arai hta na mung, langai mi ngam nga na n rai; shanhte hta hpung rawng ai mung nga lu na, n rai.

EZEKELA 7:11 ပူးပေါင်းရင်းမြစ်များ

SHAKAWN KUNGDAWN 125:3

Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

SHAKAWN KUNGDAWN 73:8

Shanhte gaw kaga masha ni hpe mani asawng nna n hkru n hkra ai lam ni hpe tsun nga ma ai. shanhte gaw gumrawng gumtawng nga ma ai hte, kaga masha ni hpe dip gamyet sha na lam maw mawn nga ma ai.

SHAKAWN KUNGDAWN 78:64

Hkinjawng ni mung kashun kashe du daw sai hkaw re ai amu hta si mat nga ma ai; shanhte a gaida jan ni hpe hkrap ngu hkrap ngoi na ahkang n jaw wu ai.

ESAIA 14:29

Hpilisti masha ni e, nang hpe kayat ai hkawn daw mat sai, rai ti mung nanhte kabu lu na lam hpa mung n nga nga ai. Lapu mi si yang, de a shara hta grau sawng ai langai du nga ai. Lapu a di gaw pyen chye ai baren hpe hpum shakraw nga ai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

YEREMIA 22:18

Dai rai nna, dai Madu gaw Yoshia a kasha, Yuda Hkawhkam Yehoiakim hpe, “Shi a si hkrung si htan hta kadai mung, ‘Gade wa hkrit hpa rai nga a hka, nye a jinghku wa e, gade wa hkrit hpa rai nga a hka!,’ nga nna tsun na ma ai n rai. Kadai mung shi a matu, ‘Nye a madu e! Nye a hkawhkam wa e!,’ nga nna jahtau hkrap na mara ai n rai.

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

YEREMIA 6:7

Hka htung gaw dai kaw na mu ai hka shapraw ya ai zawn, Yerusalem shi a n hkru ai amu hpe shapraw nga ai. Ngai gaw dai mare na kashun kashe du daw sai hkaw amu hte jahten shaza lam hpe na nngai; machyi makaw hte hkala nba lam yawng hpe mung ngai mu nngai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 5:4

Dai hpang, dai hta na nkau mi bai la nhtawm wan hta kabai bang nna jahkru kau u. Wan gaw dai kaw nna Israela mungdan ting de chyam bra mat wa na ra ai,” ngu nna tsun wu ai.

EZEKELA 6:11

Tsaw Htum ai dai Madu gaw, “Israela amyu masha ni galaw ai n hkru n shawp ai hte matsat shabat amu yawng a majaw, na a lata hpe manat jum da u! Na a lagaw hkindit u! Yawn hkyen ai hte marawn jahtau u. Shanhte gaw hpyen majan hta mung, kawsi kyet ai hte ana zinli ni hta si mat na mara ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

EZEKELA 7:2

Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

EZEKELA 8:17

Dai Madu gaw ngai hpe, “Si chye ai masha wa e, dai amu hpe nang mu nu ni? Ndai Yuda amyu masha ni gaw ndai yang e nang mu nit dai shanhte galaw ai matsat shabat amu ni yawng hte mungdan ting hta kashun kashe du daw sai hkaw amu shachyam shabra ai hta pyi myit dik dum nga ma ai n rai. Shanhte gaw ndai Nawku Htingnu kata hta nan sa nna ngai hpe grau nna masin pawt shangun nga ma ai. Shanhte gaw ngai hpe dang lu ai made n rawn n wawm ai hku kade daram n kaw n law di ma ai hpe mada yu u!

AMO LAIKA (AMOS) 3:10

Dai Madu gaw, “Ndai masha ni gaw shanhte a nga shara ni hta ru hka amu hte kashun kashe du daw sai hkaw amu ni hte jahpring da nga ma ai. Shanhte pyi gara hku ding man na lam hpe n chye nga ma ai.

AMO LAIKA (AMOS) 6:3

Nanhte gaw tsin-yam tsindam a nhtoi du wa ra ai hpe yin la na matu ningdang kau nga myit dai, rai ti mung nanhte hkum nan galaw ai amu gaw dai nhtoi hpe grau shani la nga myit dai.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

MIHKA 3:3

Nanhte gaw nye a amyu masha ni hpe sha kau myit dai. Shanhte a ahpyi ni hpe gawng kau nna nrut nra ni hpe daw kahtum kau nhtawm di bu hta shadu na matu shan azat ai zawn, shanhte hpe azat kau nga myit dai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.