EZEKELA 7:10 - Jinghpaw Common Language Bible 2009

¹⁰ Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

Jinghpaw Hanson Version Bible

¹⁰ Dai nhtoi hpe yu u; gaja wa dai du ra ai; nang ari hkrum sha na, dawdan ngut sai; shingna pu pu sai, gumrawng gumtawng asi si sai.

EZEKELA 7:10 ပူးပေါင်းရင်းမြစ်များ

SHAKAWN KUNGDAWN 89:32

Shanhte galaw sai yubak ni a majaw, ngai ari jaw na mawe ai. Shanhte a shut hpyit ai mara ni a majaw, ngai shanhte hpe nni nkri hkam sha shangun na mawe ai.

GA SHAGAWP 14:3

Angawk ai wa a gumrawng gumtawng ai lam gaw shi hpe ga abrawp shangun nga ai; hpaji rawng ai masha wa a n-gup aga gaw shi hpe bau sin nga ai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 21:12

Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

ESAIA 28:1

Israela mungdan gaw dingnye hkrum nga sai! Dai mung a arawng sadang gaw chyaru ya ningbaw ni a abaw ntsa na nampan janmau ni zawn nyui mat nga sai. Shanhte a gumrawng gumtawng ai abaw ni gaw manam pyaw bat hawm nga ai, rai ti mung shanhte gaw n dum ndam rai lu nang gumpye taw nga ma ai.

EZEKELA 12:23

Ya chyawm gaw, Tsaw Htum ai dai Madu ngai nan dai hpe lakap nna tsun ai ga, shanhte hpe htawn tsun u. Ngai gaw dai ga shagawp hpe shamat shaprai kau na nngai. Dai ga hpe Israela amyu masha ni hta galoi mung kahtap tsun sana ma ai n rai. Shing nga tsun na malai, dai aten ladaw gaw du sai, tau tsun da ai ga ni mung teng teng byin nga sai!, ngu nna shanhte hpe tsun u, nga ai.

EZEKELA 19:14

Sabyi ru madung hta wan hkru nna; wan gaw de a lakung lakying ni hte asi hpe hkru kau nga ai. Lakung lakying ni gaw galoi mung n-gun bai rawng wa na n rai, galoi mung hkawhkam dawhkrawng ni tai na ra ai n rai. Ndai gaw yawn hkyen mahkawn rai nga ai; ndai hpe lang mi hte lang mi mahkawn mangoi wa sai.

EZEKELA 21:10

Dai gaw masha sat na matu dai nga ai, myihprap wan zawn gala nna kabrim nga ai. Kabu gara ai gaw nga lu na n rai, hpa majaw nga yang, nye a amyu masha ni gaw sadi jaw ai ga hkum shagu hte ari hpe hpa zawn n nawn ya ma ai.

EZEKELA 21:13

Ngai gaw nye a amyu masha ni hpe chyam dinglik yu nga nngai, shanhte gaw myit malai na matu ningdang kau ma ai rai yang, ndai amu yawng shanhte hta byin wa na ra ai.

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

EZEKELA 7:6

Dai gaw yawng ngut boi mat sai. Ndai gaw jahtum rai nga ai. Nang gaw ngut mat nit dai.

EZEKELA 7:9

Ngai gaw nang hpe lahpawt dum na n rai, matsan dum ai lam loi mi mung nang hpe madun na n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

BU HKAWM 17:8

Hpang shani e, dai Sum kata de Mawshe shang yu wu yang, Lewi amyu bawsang a malai tawn da ai Arun a dawhkrawng mahtang alap lap ai hte pu majawm nna pu lagra ai hte myin ai batan si si nga ai!

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.