EZEKELA 6:7 - Jinghpaw Common Language Bible 2009

⁷ Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

Jinghpaw Hanson Version Bible

⁷ Hkala nba si hkrum ai ni, nanhte a ka-ang e kadawng taw nna, ngai Yehowa rai nga nngai, nanhte chye lu na marin dai.

EZEKELA 6:7 ပူးပေါင်းရင်းမြစ်များ

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

PRU MAT 14:18

Shanhte hpe ngai dang kau ai shaloi, Egutu masha ni gaw Ngai nan dai Madu rai nga ai hpe chye wa na mara ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

SHARUNG SHAYAWT 4:9

Hpyen majan hta si mat wa ai ni gaw lusha kyet nna angwi ngwi sha nsa hkyet mat wa ai hkrum let, si mat wa ai ni hta grau nna kaja nga ma ai.

EZEKELA 11:10

shaloi nanhte gaw nanhte a mungdan kata e byin ai majan hta sat kau hkrum na marin dai. Ngai gaw dai Madu rai nga nngai hpe masha shagu chye lu na ra ai.

EZEKELA 11:12

Nanhte gaw nye a hkang da ai ga hte matsun maroi tara ni hpe n madat n mara ai sha, jahten kau nhtawm nanhte a grup yin na masha amyu baw ni a htung tara ni hpe shadik shatup myit dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 12:15

“Ngai gaw shanhte hpe kaga masha amyu baw ni a lapran hte maigan mungdan ni hkan shabra ayai kau dat ai shaloi, shanhte gaw ngai nan dai Madu rai nga nngai hpe chye lu na mara ai.

EZEKELA 12:19

Ndai gaw Tsaw Htum ai dai Madu shi nan Yerusalem mare masha ni hpe lakap nna shanhte a mungdan hta naw shanu nga ai ni hpe tsun ai mungga rai nga ai; dai hpe amyu baw ting hpe htawn tsun dan u; shanhte lusha sha ai shaloi gari na mara ai, shanhte ntsin lu ai shaloi hkrit gari ai hte ashun na mara ai. Shanhte a mungdan hta shanu nga ai masha shagu hte gaw hkang da ai tara hpe n hkan ma ai majaw shanhte a mungdan gaw katsi katsang akrin akraw shara tai mat na ra ai.

EZEKELA 13:14

Ngai gaw shanhte namhtun hte chya da ai bunghku hpe agrawp daw kau ai hte adawt sharun kau nna de a npawt nhpang nlung ni hpe chyu sha ngam da na myit tawn nngai. Dai bunghku gaw ru hkrat wa nna nanhte yawng hpe gamyet sat na myit dai. Ngai nan dai Madu rai nga nngai hpe masha shagu chye lu na mara ai.

EZEKELA 13:21

Ngai gaw nanhte a baw magap ai du bat sumpan ni hpe gang je kau ya na nngai, nye a amyu masha ni gaw nanhte e hkyuk da ai hpung dagu kata kaw nna kalang lata lawt lu na mara ai. Dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 13:23

Dai rai nna, ya chyawm gaw nanhte a n teng n man ai shingran ni hte lam woi shadam ai myihtoi htoi ai ga ni gaw lai mat wa sai. Ngai gaw nye a amyu masha ni hpe nanhte madu la mayu ai hpung dagu kata kaw nna hkye mawai da ni ai. Dai re ai majaw ngai nan dai Madu rai nga nngai hpe nanhte chye lu na marin dai.”

EZEKELA 13:9

N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 20:42

Nanhte a nji nwa ni hpe jaw na ngu, ngai ga sadi tawn da ai Israela mung de nanhte hpe ngai bai woi nhtang wa ai shaloi, ngai nan dai Madu rai nga nngai hpe nanhte chye lu na marin dai.

EZEKELA 20:44

Nye a arawng sadang hpe makawp maga na matu, ngai galaw ai shaloi, ngai nan dai Madu rai nga nngai hpe nanhte Israela amyu masha ni chye lu na marin dai, hpa majaw nga yang nanhte galaw ai n hkru n shawp lam hte n hkru ai amu ni a majaw hkam la ging ai hte maren ngai nanhte hpe di ai n rai. Dai Tsaw Htum ai Madu nan tsun nu ai.

EZEKELA 22:16

Dai rai nna, kaga masha amyu baw ni nang hpe n kaw n law di na mara ai; rai ti mung Ngai gaw dai Madu rai nga nngai hpe nang chye na rin dai.”

EZEKELA 23:49

Ngai gaw kanau kana rai nga ai nan nau hpe nan a nse nsa ai amu hte hpara sumla ni hpe nawku ai yubak mara ni a majaw, ari jaw na made ai. Dai shaloi, ngai nan dai Tsaw Htum ai dai Madu rai nga nngai hpe nan chye wa na marin dai.”

EZEKELA 24:24

Dai hpang, ngai gaw nanhte a matu kumla tai na nngai; ngai galaw sai amu magup hpe nanhte galaw lu na marin dai. Ndai amu byin wa ai shaloi, shi gaw Tsaw Htum ai dai Madu rai nga ai hpe nanhte chye lu na marin dai, ngu nna dai Madu tsun ai.”

EZEKELA 24:27

Dai shani hta nan, nang hta htum mat sai ga tsun n-gun bai awai la lu nna shi hte rau ga tsun na ndai. Ndai lam hku nna nang gaw amyu masha ni a matu kumla tai nna ngai gaw dai Madu nan rai nga nngai hpe shanhte chye lu na mara ai,” ngu nna tsun ai.

EZEKELA 25:17

Ngai gaw shanhte hpe ja ja ari jaw na nngai, shanhte hpe htum hkra matai dawp na nngai. Shanhte gaw nye a masin kahtet ai hpe hkam sha na mara ai. Dai hpang, ngai gaw dai Madu rai nga nngai hpe shanhte chye wa na mara ai,” ngu nna tsun wu ai.

EZEKELA 26:6

dai ni a nhtu ni hte dai mung na ahkyak ai mare ni hta shanu nga ai ni hpe sat kau na mara ai. Shaloi, ngai nan dai Madu rai nga nngai hpe Turu mare masha ni chye lu na mara ai,” ngu nna tsun wu ai.

EZEKELA 28:23

Ngai gaw nang hpang de ana zinli dat dat nna na a nmaw lam ni hkan sai hka lwi shangun na nngai. Nang gaw man maga shagu de na gasat gala ai hkrum nna na a masha ni mung sat kau hkrum na mara ai. Dai hpang, ngai nan dai Madu rai nga nngai hpe shanhte chye lu na mara ai.”

EZEKELA 30:26

Ngai gaw Egutu masha ni hpe mungkan ting de shabra kau na nngai. Dai shaloi, ngai nan dai Madu rai nga nngai hpe shanhte chye lu na mara ai,” ngu nna tsun wu ai.

EZEKELA 32:15

Ngai gaw Egutu mung hpe katsi katsang shara hte akrin akraw shara shatai kau let, dai mung hta shanu nga ai ni yawng hpe jahten shaza kau ai shaloi, ngai nan dai Madu rai nga nngai hpe shanhte chye lu na mara ai.

EZEKELA 35:15

Ngai madu tawn ai Israela a hten run ai hpe nang yu kabu nga ndai hte maren, Seira bum ni e, rai sa, Edom mungdan yawng gaw katsi katsang shara tai mat na ra ai. Masha shagu hte gaw ngai nan dai Madu rai nga nngai hpe chye lu na mara ai,” ngu nna tsun wu ai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 6:13

Tawn hkungri ni a grup yin hte hpara sumla ni a lapran e mung, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, kaba hkung ai wamyi hpun shagu a npu hta e mung, shanhte a hpara sumla ni hpe shagu hkungga nat nawng ya ai shara shagu hkan e mung, shanhte a moi mang ni ayai taw nga na mara ai. Dai hpang masha shagu hte gaw Ngai nan dai Madu rai nga nngai hpe chye wa na mara ai.

EZEKELA 6:6

Israela a mare ni yawng jahten sharun kau hkrum na mara ai, shanhte a tawn hkungri ni hte shanhte a hpara sumla ni gaw adaw atang rai hten agrawp mat nna shanhte a manam pyaw ai baw hkungga nat nawng ai tawn hkungri ni daw hten mat nhtawm, shanhte galaw ai amu shagu mung hpoi mat na mara ai.

EZEKELA 6:8

“Ngai gaw nkau mi hpe sat sharu kau ai kaw na shalawt nna, masha amyu baw ni a lapran e shabra kau ai hte,

EZEKELA 7:4

Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 7:9

Ngai gaw nang hpe lahpawt dum na n rai, matsan dum ai lam loi mi mung nang hpe madun na n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 9:7

Karai Kasang gaw shanhte hpe, “Nawku Htingnu hpe awu asin di kau mu! Wang ni hta moi mang ni hte jahpring da mu! Bungli galaw manu!,” ngu nna tsun wu ai. Dai rai nna shanhte gaw mare hta nga ai amyu masha ni hpe sat hpang manu ai.