EZEKELA 6:5 - Jinghpaw Common Language Bible 2009

⁵ Ngai gaw Israela amyu masha ni a moi mang ni hpe ayai kau nna shanhte a nrut nra ni hpe tawn hkungri grup yin mahkra hkan gat ayai da na nngai.

Jinghpaw Hanson Version Bible

⁵ shanhte a hpara sumla ni a man e, Israela kashu kasha ni a moi mang ni hpe ngai tawn da nna, nanhte a tawn hkungri ni a grup yin e, nanhte a nrut nra ni hpe ayai kau na nngai.

EZEKELA 6:5 ပူးပေါင်းရင်းမြစ်များ

2 HKAWHKAM 23:14

Yoshia gaw nlung shadaw ni hpe ayun ayaw di agrawp jahten kau nna, Ashera karai num a hkrang sumla ni hpe kran daw kau nhtawm dai ni hpe shadun da ai lamu ga hta si sai masha a nrut nra ni hte jahpring da nga ai.

2 HKAWHKAM 23:16

Dai hpang Yoshia gaw grup yin de mada yu wu yang, bum ntsa e nga ai lup nkau mi hpe mu wu ai; dai hta na nrut nra nkau mi hpe htu shaw la nhtawm tawn hkungri ntsa e nat kau wu ai. Ndai lam hku nna, moi shawng de tawn hkungri e Hkawhkam Yeroboam tsap nga nna poi galaw nga yang, myihtoi wa tau tsun da nu ai hte maren, galaw nna tawn hkungri hpe awu asin di kau wu ai. Hkawhkam Yoshia mung makau grup yin de mada yu dat wu yang, tau nna tsun da sai myihtoi wa a lup rai nga ai hpe mu wu ai.

SHAKAWN KUNGDAWN 53:5

Shaloi, shanhte gaw shawng de galoi mung garai n hkrum kadup yu ai kaba la ai hkrit kahpra lam hpe hkrum hkra wa na mara ai; hpa majaw nga yang, Karai Kasang gaw shi a amyu masha ni a gumlau hpyen ni a nrut nra ni hpe gat kau ya na ra ai. Karai Kasang shanhte hpe ningdang kau mu ai majaw, Israela amyu masha ni shanhte hpe awng dawm dang kau na mara ai.

YEREMIA 7:32

Dai rai nna, Tohpet hte Hinom Kadit ngu nna galoi mung n shamying na mara ai; rai tim, Masha Sat ai Kadit ngu nna tsun ai aten du wa na ra ai. Dai shara hta lup makoi na shara loi mi pyi n man ai majaw, shanhte gaw amyu masha ni hpe dai yang hkan e lup makoi na mara ai.

EZEKELA 43:7

“Si chye ai masha wa e, ndai gaw nye a tingnyang rai li ai. Ndai yang e, Israela amyu masha ni hte rau ngai shanu nga nna shanhte hpe htani htana up hkang nga na nngai. Israela amyu masha ni hte shanhte a hkawhkam ni gaw karai shaje ni hpe nawku ai hku nna mung, shanhte a hkawhkam ni a si mang ni a makau hkan e mung, nye a chyoi pra ai mying ningsang hpe awu asin bai di lu na mara ai n rai.