EZEKELA 6:3 - Jinghpaw Common Language Bible 2009

³ Tsaw Htum ai dai Madu mungga hpe na la na matu Israela a bum ni hpe htawn tsun u; bum ni, kawng ni, hkaraw ni hte kadit ni e, Tsaw Htum ai dai Madu ngai hpa tsun nga ai hpe na la mu. Ngai gaw amyu masha ni hpara sumla nawku ai shara ni hpe jahten kau na matu, nhtu hpe shangun dat na nngai.

Jinghpaw Hanson Version Bible

³ Israela bum ni e, Madu Yehowa a ga madat mara mu: Madu Yehowa gaw, bum ni, kawng ni, hkaraw ni hte kadit ni hpe ning nga ai: yu mu, ngai nan, nanhte a ntsa e nhtu shapraw nna, nanhte a tsaw ai kawng ni a shara ni hpe shaza kau na nngai.

EZEKELA 6:3 ပူးပေါင်းရင်းမြစ်များ

1 HKAWHKAM 14:23

Shanhte gaw n teng n man ai karai ni a matu nawku shara ni hpe gap nhtawm kawng ntsa hkan na shingnip hpun npu hkan e mung Ashera hkrang sumla ni hpe nawku na matu nlung shadaw ni hpe jung da nga ma ai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 30:25

Nanhte a gumlau hpyen ni a hpyen dap ni run hkrum nna shanhte a masha ni sat kau hkrum ai shani hta, bum shagu hte kawng shagu de na hka shi ni lwi pru wa na mara ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 22:29

O lamu ga e, lamu ga, lamu ga e, Dai Madu ning nga tsun sai ga hpe madat u:

YEREMIA 3:23

Anhte gaw kawng pungding ntsa hkan e anhte a tara maigan nawku ai lai hte loi mi pyi karum hkrum nga ga ai n rai, Israela a matu karum la lam gaw dai Madu anhte a Karai Kasang kaw na chyu sha du sa wa nga ai.

YEREMIA 3:6

Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

EZEKELA 36:8

Rai ti mung, nye a Israela amyu masha ni e, hpun ni gaw Israela bum ni hta e nanhte a matu kalang mi bai tu wa nna asi si wa na ra ai. Nanhte mung kade n na yang, buga dum nta de wa lu na marin dai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

JAW JAU 26:30

Kawng ntsa hkan na nanhte a nawku shara ni hpe ngai jahten sharun kau nhtawm nanhte a manam pyaw ai baw nat nawng ai tawn hkungri ni hpe hpya kau let agrawp taw nga ai hpara sumla ni a ntsa e nanhte a si mang ni hpe kabai mara da na we ai.

AMO LAIKA (AMOS) 7:9

Isak a amyu matu mara ni nawku ai shara ni jahten shaza hkrum na mara ai. Israela a chyoi pra ai shara ni hten run taw mat na mara ai. Ngai gaw Hkawhkam Yeroboam a magam matu hpe jahtum kau na nngai,” ngu nna tsun wu ai.

MIHKA 6:1

Israela hte dangrang hkat ai dai Madu a amu hpe madat mu. O Madu e, rawt u, na a amu jashawn u; bum ni hte kawng ni nang hpa tsun ai lam na la mu ga.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.