EZEKELA 6:11 - Jinghpaw Common Language Bible 2009

¹¹ Tsaw Htum ai dai Madu gaw, “Israela amyu masha ni galaw ai n hkru n shawp ai hte matsat shabat amu yawng a majaw, na a lata hpe manat jum da u! Na a lagaw hkindit u! Yawn hkyen ai hte marawn jahtau u. Shanhte gaw hpyen majan hta mung, kawsi kyet ai hte ana zinli ni hta si mat na mara ai.

Jinghpaw Hanson Version Bible

¹¹ Bai, Madu Yehowa ning nga ai: “Israela amyu galaw hkrup ai matsat shabat amu mahkra a majaw, Dingnye nga u ga law, nga nna lata kahpret u, lagaw shingdit u: kaning rai nme law, shanhte gaw, ri nhtu, hku wa wa ai, ana zinli hte kadawng si na mara ai.

EZEKELA 6:11 ပူးပေါင်းရင်းမြစ်များ

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 24:10

Shanhte hte shanhte a kaji kawa ni hpe ngai jaw da sai mungdan hta shanhte hta na langai mi mung n ngam mat hkra shanhte hpang de hpyen majan, kawsi hpang gara ai hte ana zinli ni shabyin dat na nngai,” ngu nna tsun ai.

YEREMIA 30:7

Hkrit hpa nhtoi gaw du magang wa ra ai; dai hte shadawn lu ai kaga nhtoi mi n nga nga ai- nye a amyu masha ni a matu ru yak tsin-yam tsindam aten rai nga ai, rai ti mung, shanhte naw ngam nga na mara ai.”

YEREMIA 42:22

Dai re ai majaw, nanhte sa shanu nga mayu ai mungdan hta hpyen majan hta mung, kawsi hpang gara ai hta mung, ana zinli hta mung si mat na rai myit dai,” ngu nna matut tsun ni ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 21:19

Shi gaw, “Si chye ai masha wa e, Babelon hkawhkam gaw shi a nhtu hte sa lu na lam lahkawng san da u. Dai lam lahkawng gaw mung mi de sha pru sa wa nga ai. Mare lam nbraw e matsing masat ai kumla langai jung da u.

EZEKELA 25:6

“Ndai gaw Tsaw Htum ai dai Madu tsun ai mungga rai nga ai: Nang gaw lahpawk dum let kabu gumhtawn hkawm nga ndai. Nang gaw Israela mungdan hpe n kaw n law di kau nga ndai.

EZEKELA 33:27

“Ngai gaw teng teng ahkrung nga ai Karai Kasang rai nga nngai, dai majaw dai hten run mat sai mare ni hta shanu nga ai amyu masha ni sat kau hkrum na mara ai hpe Tsaw Htum ai dai Madu ngai nan shadum ai ga, shanhte hpe htawn tsun u. Dai mungdan hta shanu nga ai ni mung nam na matse labye ni e sha kau hkrum na mara ai. Bum na makoi shara ni hte ginlawng hku ni hta rawng nga ai ni mung ana zinli ni hte si mat na mara ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 6:10

Shanhte gaw ngai nan dai Madu rai nga nngai hte nye a shadum jahprang ai ga ni kaman jahkrit sharim kau ai n rai nga ai hpe chye na lu na mara ai,” ngu nna shi nan tsun wu ai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

EZEKELA 7:15

Lam nmaw ni hkan gasat gala ai hte nta kata hkan machyi makaw hte kawsi kyet nga ai. Mare shinggan de pru hkawm ai ni kadai mung gasat gala ai hta si na mara ai; mare kata e nga ai ni kadai mung machyi makaw hte kawsi kyet ai tsin-yam tsindam hkrum na mara ai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

AMO LAIKA (AMOS) 5:16

Dai rai nna, Chyahtum Chyalai N-gun rawng ai Tsaw Htum ai dai Madu gaw, “Mare nmaw lam ni hkan e hkrap shabam ai hte yawn hkyen jahtau garu ai nsen ni nga nga na ra ai. Yi hkauna galaw sha ai ni pyi si mat sai ni a matu yawn hkyen hkrap shabam na nga sharung shayawt na matu manu jahpu jaw da hkrum ai ni hte rau shaga la hkrum nga ma ai.

BU HKAWM 24:10

Balak gaw masin pawt ai hte shi a lata ja ja latup let Balam hpe, “Nye a hpyen ni hpe matsa ya na matu ngai nang hpe shaga da nngai; rai ti mung shing di na malai ya nang masum lang shanhte hpe shaman kau ya nit dai.

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.