EZEKELA 5:8 - Jinghpaw Common Language Bible 2009

⁸ Dai rai nna, Tsaw Htum ai dai Madu ngai gaw na a gumlau hpyen rai nga nngai hpe nang hpe tsun dan nga nngai. Ngai gaw nang hpe masha amyu baw ni yawng mu lu ai shara hta tara jeyang na we ai.

EZEKELA 5:8 ပူးပေါင်းရင်းမြစ်များ

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 21:5

Ngai gaw nang hpe nye a n-gun mahkra hte, pawt sindawng ai, n-yun bu ai, masin kahtet ai hte hkap gasat na nngai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 50:7

Shanhte hpe mu ai ni yawng gaw shanhte hpe gasat kau nga ma ai. Shanhte a gumlau hpyen ni gaw, ‘Shanhte gaw dai Madu hpe yubak galaw shut kau manu ai, dai rai nna anhte galaw kau ai amu gaw shut ai n rai. Shanhte a kaji kawa ni gaw dai Madu hpe kam hpa ma ai, shanhte hkum nan mung shi hta sadi dung nga ang ma ai,’ ngu nna tsun ma ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

SHARUNG SHAYAWT 3:3

Matsan dum myit n rawng ai sha, ngai hpe lang hte lang kayat adup da nga ai.

EZEKELA 11:9

Ngai gaw nanhte hpe ndai mare kaw na shapraw kau nhtawm maigan masha ni a lata de ap kau na nngai. Ngai gaw nanhte hpe si hkrung si htan hte jeyang na nngai,

EZEKELA 13:8

Dai rai nna Tsaw Htum ai dai Madu gaw shanhte hpe, “Nanhte tsun ai ga ni gaw n teng n man nga ai; nanhte a myit shingran ni mung masu magaw ga ni hkrai rai nga malit dai. Ngai nanhte hpe ninghkap nngai.

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 16:41

Numsha law law ni gaw nang hpe jaw ai ari hpe mu la mu ga, shanhte gaw na a dum nta ni hpe nat kau ya na mara ai. Ngai gaw nang hpe shawa num n tai mat hkra mung, sumtsaw sumra ni hpe kumhpa jaw ai kaw na mung, jahkring kau shangun na nngai.

EZEKELA 21:3

Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 30:19

Ngai gaw ndai hku nna Egutu hpe ari jaw ai shaloi, shanhte gaw ngai nan dai Madu rai nga nngai hpe chye wa na mara ai.

EZEKELA 34:10

Ngai gaw nanhte a hpyen rai nga nngai, ngu nna Tsaw Htum ai dai Madu ngai nan tsun ndau nga nngai. Nye a sagu ni hpe nanhte a lata kaw na ngai la kau nhtawm, nanhte hpe mung shanhte hpe rem ai sagu rem ni zawn galoi mung bai shatai na made ai n rai; nanhte hkum ni hpe lanu lahku na matu pyi, ngai nanhte hpe galoi mung ahkang bai jaw na n rai. Nye a sagu ni hpe nanhte n sha lu myit ga, nanhte a lata kaw nna mawai la na nngai.

EZEKELA 35:3

Dai masha ni hpe Tsaw Htum ai dai Madu ngai hpa tsun nga nngai lam hpe tsun dan u: “Edom a bum ni e, ngai gaw na a hpyen rai nga nngai! Ngai gaw nang hpe katsi katsang shara shatai kau na we ai.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 5:15

“Ngai gaw nang hpe pawt sindawng nna masin kahtet ai hte ari jaw ai shaloi, na a grup yin na masha amyu baw ni yawng gaw hkrit kajawng na mara ai. Shanhte gaw nang hpe yu matsat ai hte asawng asang di kau na mara ai.

NAHUM 2:13

“Chyahtum Chyalai N-gun rawng ai dai Madu gaw, “Ngai gaw na a hpyen rai nga nngai, na a hpyen leng ni hpe ngai nat kau na nngai. Na a hpyenla ni majan hta sat kau hkrum na mara ai, Kaga ni kaw na nang la da sai arai magup sumhpa ni hpe mung ngai la mat wa na nngai. Na a dat kasa ni a hpyi nem ai nsen hpe htawm hpang de galoi mung na lu sana n rai.”

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.