EZEKELA 5:6 - Jinghpaw Common Language Bible 2009

⁶ Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.

Jinghpaw Hanson Version Bible

⁶ Shi chyawm gaw, maigan amyu ni hta, grau shut hpyit nna, ngai dawdan ai ga hpe gumlau ai hte, nye a matsun maroi ga hpe, grup yin na mungdan ni hta, grau nna lale kau nga ai: mare masha ni gaw, nye a dawdan ai ga hpe nyet kau nna, nye a matsun maroi ga hpe n hkan hkraw ma ai.

EZEKELA 5:6 ပူးပေါင်းရင်းမြစ်များ

2 HKAWHKAM 21:11

“Hkanan masha ni galaw ai amu hta grau sawng ai ndai matsat shabat amu ni hpe Hkawhkam Manashe galaw shut kau nu ai; shi a hpara sumla ni hte Yuda amyu masha ni hpe yubak lam de lam woi shadam mat wa nu ai.

2 HKAWHKAM 21:9

Rai ti mung Yuda amyu masha ni dai Madu a ga hpe n madat nga ma ai rai nna shi a amyu masha ni rawt lung wa yang, dai Madu gaw shanhte a mung kaw nna gawt shapraw kau dat ai masha amyu baw ni shut hpyit kau ai yubak ni hta grau kaba ai yubak hpe shut hpyit na matu Manashe gaw shanhte hpe lam woi shadam kau mu ai.

NEHEMIA 9:34

Anhte a kaji kawa ni, anhte a hkawhkam ni, ningbaw ni hte hkinjawng ni na a Tara hkan shatup nga ma ai n rai. Shanhte gaw na a hkang da ai ga ni hte shadum jahprang ga ni hpe madat ma ai n rai.

NEHEMIA 9:35

Na a shaman chyeju a jaw e, hkawhkam ni na a amyu masha ni hpe up ma ai; shanhte sumtsan ga e nga nga ma ai shaloi, nang shanhte hpe ga sau rawng ai lamu ga jaw ndai; rai ti mung shanhte gaw yubak mara kaw na kayin wa na matu hte nang hpe daw jau na matu hprai ma ai.

SHAKAWN KUNGDAWN 106:20

Shanhte gaw Karai Kasang a hpung shingkang hpe tsingdu sha ai dusat a sumla hte galai kau mu ai.

SHAKAWN KUNGDAWN 78:10

Shanhte gaw Karai Kasang hte ga shaka tawn da ai hpe n mazing da nga ma ai; shi a hkang da ai tara ni hpe hkan sa na matu, ningdang kau nga ma ai.

PRU MAT 16:28

Dai hpang, dai Madu gaw Mawshe hpe, “Nanhte gaw galoi du hkra nye a hkang da ai tara ni hpe n hkan ai nga nga na ngu nga myit ta?

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

YEREMIA 8:5

Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

EZEKELA 11:12

Nanhte gaw nye a hkang da ai ga hte matsun maroi tara ni hpe n madat n mara ai sha, jahten kau nhtawm nanhte a grup yin na masha amyu baw ni a htung tara ni hpe shadik shatup myit dai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 16:51

“Samari mare gaw nang galaw ai yubak chyen mi daram pyi n galaw shut yu nga ai. Nang gaw shi galaw ai hta grau nna matsat shabat lai hku galaw ndai. Na a n san n seng ai matsat shabat re ai amu gaw, shadawn yu yang, na a kanau kana ni gaw mara n kap ai ni zawn rai nga ai.

Daniela 9:15

“O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

Daniela 9:8

Anhte a hkawhkam ni, mung up hkang du ni hte anhte a kaji kawa ni kaya kahpa amu galaw ai hte Madu nang hpe yubak galaw shut kau nga masai.

ZEHKARIA 7:11

“Rai ti mung, nye a amyu masha ni mahtang du ja ai hte n madat hkraw ma ai. Shanhte gaw tinang a myit masin

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.