EZEKELA 5:2 - Jinghpaw Common Language Bible 2009

² Mare hpe wang da ngut ai shaloi, majaw masum hta na majaw mi hpe mare kata e nat kau u. kaga majaw langai mi hpe mare shinggan de nang kayin hkawm ai shaloi na a nhtu hte dai hpe tawk kau u. Naw ngam nga ai majaw hpe gaw nbung hta shapoi kau u, ngai gaw dai hpe nye a nhtu hte hkan shachyut nang na nngai.

Jinghpaw Hanson Version Bible

² Mare hpe gasat la lu ai shani e, majaw masum hta na majaw mi, dai mare ka-ang e nat kau u; majaw mi hpe nhtu hte marat dut kau u; majaw mi hpe nbung hta shapoi kau u: dai hta kaga ngai gaw, shanhte a hpang e nhtu naw shaw na nngai.

EZEKELA 5:2 ပူးပေါင်းရင်းမြစ်များ

YEREMIA 13:24

Dai Madu gaw zaibru jang na nbung hte shapoi kau ai numhkaw zawn nang hpe ahpawt shabra kau na ra ai.

YEREMIA 15:2

Shanhte kade sa wa na rai ma ta?, nga nna nang hpe shanhte san ma ai shaloi, ngai tsun ni ai ga shanhte hpe tsun u: Nkau mi gaw ana ahkya hte si na matu dingnye hkrum nga ma ai- dai gaw shanhte sa wa na lam rai nga ai! Nkau mi gaw majan hta si na matu dingnye hkrum nga ai- dai gaw shanhte sa wa na lam rai nga ai! Nkau mi gaw kawsi hpang gara ai hte si na matu dingnye hkrum nga ai- dai gaw shanhte sa wa na lam rai nga ai! Kaga ni gaw bawng masha ni zawn woi la na dingnye hkrum nga ai- dai gaw shanhte sa wa na lam rai nga ai!

YEREMIA 24:10

Shanhte hte shanhte a kaji kawa ni hpe ngai jaw da sai mungdan hta shanhte hta na langai mi mung n ngam mat hkra shanhte hpang de hpyen majan, kawsi hpang gara ai hte ana zinli ni shabyin dat na nngai,” ngu nna tsun ai.

YEREMIA 38:2

Dai Madu gaw, “Ndai mare hta nga nga ai wa gaw hpyen majan hta mung, kawsi hpang gara ai hta mung, ana zinli hta mung si mat na mara ai. Rai ti mung, ndai mare kaw na pru mat wa nhtawm Babelon masha ni hpang de asum hkam shang mat wa ai wa chyawm gaw sat kau hkrum na ra ai n rai, shi gaw shi a asak a matu sha gaw hprawng lawt lu na ra ai,” ngu nna tsun wu ai.

YEREMIA 39:1

Yuda Hkawhkam Zedekia hkaw dung ai jahku ning e shata shi hta e, Babelon Hkawhkam Nebuhkadneza gaw shi a hpyen luksuk kaba mahkra hte Yerusalem hpe htim gasat wu ai.

YEREMIA 39:2

Hkawhkam Zedekia hkaw dung ai shi langai ning a shata mali nhtoi jahku ya shani e, mare bunghku ni adawt agrawp kau hkrum nga sai.

YEREMIA 9:15

Dai rai nna, Chyahtum Chyalai N-gun Rawng ai dai Madu Israela a Karai Kasang ngai nan hpa galaw na hpe la madat yu mu; ngai gaw nye a amyu masha ni sha na matu lashi pila jaw nna gung hte kayau ai ntsin hpe lu shangun na nngai.

YEREMIA 9:16

Ngai gaw shanhte mung, shanhte a kaji kawa ni mung n na yu ai amyu ni a ka-ang e, shanhte hpe shabra kau ai hte shanhte hpe atsai awai shamyit kau ai aten du hkra shanhte hpang de hpyen luksuk ngai shangun dat na nngai,” ngu nna htan wu ai.

EZEKELA 12:14

Ngai gaw shi a grup yin hkan nga ai hkaw wang na amyu bawsang ni yawng hte shi a hpaji jaw ninghkrin ni hte sin langa ni hpe man ang ai shara shagu de shabra ayai kau na nngai. Amyu masha ni gaw shanhte hpe sat kau na matu hkan tam na mara ai.

EZEKELA 17:21

Shi a magrau grang htum ai hpyenla ni gaw majan pa hta sat kau ai hkrum na mara ai, naw ngam nga ai ni gaw man ang ai shara de shaden kau ai hkrum na mara ai. Dai shaloi, dai Madu ngai nan tsun ni ai hpe nang chye lu na rai ndai.”

EZEKELA 5:10

Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:3

Kara kachyi mi la nhtawm dai hpe na a hpun palawng ni hta kapyin makai bang u.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

AMO LAIKA (AMOS) 9:4

Shanhte gaw shanhte a gumlau hpyen ni a lata hta rim hkrum mat wa ai rai yang, sat kau na matu ngai shanhte hpe aming jaw na nngai. Ngai gaw shanhte hpe karum na matu n rai, shanhte hpe shamyit kau na matu daw dan da nga nngai.

ZEHKARIA 13:8

Mungdan ting na nye a amyu masha ni hpe ngai htim gasat na nngai; shaloi htam masum na htam lahkawng si htum mat na mara ai.