EZEKELA 5:15 - Jinghpaw Common Language Bible 2009

¹⁵ “Ngai gaw nang hpe pawt sindawng nna masin kahtet ai hte ari jaw ai shaloi, na a grup yin na masha amyu baw ni yawng gaw hkrit kajawng na mara ai. Shanhte gaw nang hpe yu matsat ai hte asawng asang di kau na mara ai.

Jinghpaw Hanson Version Bible

¹⁵ Shing rai, pawt bu ai, myit kahtet nna daru sharin ai myit hte, ngai nang hpe dawdan yang, dai gaw na a grup yin e dè nga ai amyu baw ni a matu, shatan nhkan, asawng asang, sharin achyin ai hte mauhpa shara tai na ra ai: ngai Yehowa nan dai ga tsun ni ai:

EZEKELA 5:15 ပူးပေါင်းရင်းမြစ်များ

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

2 HKAWHKAM LABAU 29:8

Ndai amu a majaw dai Madu gaw Yuda hte Yerusalem mare hpe pawt bu nna shi shanhte hpe galaw kau nu ai amu gaw hkrit hpa wa rai nna masha shagu hpe hkrit kajawng shangun nu ai. Dai amu hpe nanhte atsawm sha chye myit dai.

SHAKAWN KUNGDAWN 39:11

Na a daru sharin ai lam ni hte, masha a yubak hpe nang ari jaw nga ndai; dai wa tsaw ra ai arai hpe manut e, jahten kau ai zawn nang jahten kau nga ndai. Kaja wa, masha langai mi gaw nsa sa lai nbung langai mi hta grau nga ai n rai!

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 43:28

na a mung up hkang du ni nye a chyoi pra ai shara hpe awu asin di ma ai. Dai rai nna, ngai gaw Israela a ntsa e jahten sharun ai amu du shangun nngai; ngai gaw nye a amyu masha ni hpe n kaw n law hkrum sha shangun we ai,” ngu nna tsun ai.

YEREMIA 23:40

Ngai gaw htani htana n malap kau lu ai kaya kahpa lam hte jahpoi jahpyak lam shanhte a ntsa e shapraw dan na we ai,” ngu nna tsun wu ai.

YEREMIA 29:18

Ngai gaw shanhte hpe hpyen majan, kawsi hpang gara hte ana zinli ni hte hkan shachyut na nngai; mungkan ga na masha amyu baw ni yawng shanhte hpe mu mada ai hte hkrit kajawng mat na mara ai. Shanhte hpe ngai shaden shabra kau ai shara shagu hkan amyu masha ni gaw shanhte hta byin lai mat wa sai lam ni a majaw mau kajawng ai hte hkrit gari wa na mara ai. Masha amyu masha ni gaw shanhte hpe asawng asang di ai hte shanhte a amying hpe dagam dala ga zawn lang na mara ai.

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

SHARUNG SHAYAWT 2:16

Na a gumlau hpyen ni yawng nang hpe jawm ashu nhtawm n dawng ai myi hte nang hpe yu shati da ma ai. “Anhte ndai mare hpe jahten kau lu saga ai! Anhte myit mada ala nga ai shani gaw dai shani nan rai nga ai,” nga nna shanhte gaw shanhte nten ni maka let jawng kau ma ai.

EZEKELA 11:9

Ngai gaw nanhte hpe ndai mare kaw na shapraw kau nhtawm maigan masha ni a lata de ap kau na nngai. Ngai gaw nanhte hpe si hkrung si htan hte jeyang na nngai,

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

EZEKELA 16:41

Numsha law law ni gaw nang hpe jaw ai ari hpe mu la mu ga, shanhte gaw na a dum nta ni hpe nat kau ya na mara ai. Ngai gaw nang hpe shawa num n tai mat hkra mung, sumtsaw sumra ni hpe kumhpa jaw ai kaw na mung, jahkring kau shangun na nngai.

EZEKELA 22:4

Nang gaw masha sat ai amu ni hte mara kap nga ndai, nang galaw ai hpara sumla ni hte awu asin hkrum nga ndai; dai rai nna na a nhtoi gaw du wa ra ai, na a aten htum mat nit dai! Shing re ai lam ni a majaw ngai nang hpe masha amyu baw ni hta mani hpa shatai kau na nngai, mungdan yawng mung nang hpe asawng asang di kau na mara ai.

EZEKELA 23:32

Tsaw Htum ai dai Madu gaw, “Nang gaw na a kana a gawm kaw na lu na rai ndai; dam lada nna sung nga ai. Masha shagu gaw nang hpe asawng asang di nna ashu na mara ai; dai gawm gaw hpring nga ai.

EZEKELA 25:17

Ngai gaw shanhte hpe ja ja ari jaw na nngai, shanhte hpe htum hkra matai dawp na nngai. Shanhte gaw nye a masin kahtet ai hpe hkam sha na mara ai. Dai hpang, ngai gaw dai Madu rai nga nngai hpe shanhte chye wa na mara ai,” ngu nna tsun wu ai.

EZEKELA 30:19

Ngai gaw ndai hku nna Egutu hpe ari jaw ai shaloi, shanhte gaw ngai nan dai Madu rai nga nngai hpe chye wa na mara ai.

EZEKELA 5:16

Nang kawsi kyet u ga, nang hpe jaw ai lusha hpe shakyet kau ya na nngai. Nang hpe jahten kau na matu masen ai pala ni hpe dat dat ai zawn nang gaw hku hku hpang gara ai nchyi nmu ni hpe hkam sha na rai ndai.

EZEKELA 5:8

Dai rai nna, Tsaw Htum ai dai Madu ngai gaw na a gumlau hpyen rai nga nngai hpe nang hpe tsun dan nga nngai. Ngai gaw nang hpe masha amyu baw ni yawng mu lu ai shara hta tara jeyang na we ai.

JAW JAU 26:32

Nanhte a mungdan hpe ngai akrin atsai di kau nhtawm dai mungdan hpe sa ka-up la ai gumlau hpyen ni pyi dai hten za lam a majaw mau kajawng mat na mara ai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

TARA JAHPRANG 28:37

Dai Madu nanhte hpe shabra kau dat ai mungdan hkan nanhte hta byin hkrum hkra ai lam ni a majaw masha amyu ni yu mau nhtawm mani asawng ai hte ashu kau na mara ai.

TARA JAHPRANG 28:46

Dai gaw nanhte a ntsa e mung, nanhte a amyu matu mara ni a ntsa e mung, Karai Kasang a tara jeyang daw dan na prat dingsa na sakse kumla tai nga na ra ai.