EZEKELA 5:13 - Jinghpaw Common Language Bible 2009

¹³ Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

Jinghpaw Hanson Version Bible

¹³ Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

EZEKELA 5:13 ပူးပေါင်းရင်းမြစ်များ

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 1:24

Dai rai nna, ya chyawm gaw, Chyahtum Chyalai N-gun rawng ai dai Madu Israela a daru magam n-gun hte hpring ai Karai Kasang tsun nga ai ga hpe madat mu: “Nye a gumlau hpyen ni e, ngai nanhte hpe matai htang na we ai, nanhte gaw ngai hpe ru yak tsin-yam tsindam loi mi mung shabyin lu na myit dai n rai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

YEREMIA 15:9

Ma sanit shamat kau ai kanu gaw gawng kya mat nu ai, nsa sa dawn nga ai. Shi a nhtoi gaw nsin tai mat nna, shi gaw myi man sum ai hte myit machyi nga ai. nanhte hta na naw hkrung nga ai ni hpe mung ngai gaw nanhte a gumlau hpyen ni hpe sat kau shangun na we ai. Dai Madu ngai nan tsun ni ai,” ngu nna tsun ai.

YEREMIA 25:12

Dai hpang, ngai gaw Babelon amyu masha ni hte de a hkawhkam wa hpe shanhte galaw ai yubak mara a majaw, ari jaw na we ai. Ngai gaw dai mungdan hpe jahten sharun kau nna prat dingsa katsi katsang shara shatai kau na we ai.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

EZEKELA 13:15

Dai bunghku hte dai hta namhtun chya ai ni gaw nye a pawt sindawng ai n-gun hkam sha na mara ai. Shaloi ngai gaw bunghku hte dai hpe namhtun hte chya ai ni htum mat na masai ngu nna nanhte hpe tsun na nngai.

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 16:42

Dai hpang, nye a masin kahtet ai gaw kawp mat wa nna atsin sha nga nga na nngai. Ngai gaw loi mi mung pawt sindawng ai hte manawn masham ai myit mung rawng na nngai n rai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 17:21

Shi a magrau grang htum ai hpyenla ni gaw majan pa hta sat kau ai hkrum na mara ai, naw ngam nga ai ni gaw man ang ai shara de shaden kau ai hkrum na mara ai. Dai shaloi, dai Madu ngai nan tsun ni ai hpe nang chye lu na rai ndai.”

EZEKELA 20:21

“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

EZEKELA 21:17

Ngai mung lata lahpawk dum ai hte nye a sindawng kahtet ai gaw kawp mat na ra ai. Dai Madu ngai nan tsun ni ai.”

EZEKELA 21:22

Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

EZEKELA 23:25

Ngai gaw nang hpe pawt sindawng nga nngai majaw, shanhte a masin kahtet ai hta ngai nang hpe hkrup sha shangun na nngai. Shanhte gaw na a ladi hte ana ni hpe kahtam di kau nna, na a kashu kasha ni hpe sat kau na mara ai. Rai sa, shanhte gaw na a shayi shadang sha ni hpe na a lata kaw nna gare la nhtawm shanhte hpe jahkrung nat kau na mara ai.

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

EZEKELA 43:8

Hkawhkam ni gaw nye a Nawku Htingnu hte man hkrum re ai chyinghka hkadun ni hte chyinghka hkinbawng ni hpe shanhte a hkawhkam htingnu hta gap da nga ma ai, shing rai anhte a lapran e shakum sha din nga ai. Shanhte gaw matsat shabat amu ni yawng galaw nna nye a chyoi pra ai mying ningsang hpe awu asin di kau ma ai; dai rai nna, nye a pawt sindawng ai hte shanhte hpe shamyit kau ni ai.

EZEKELA 6:10

Shanhte gaw ngai nan dai Madu rai nga nngai hte nye a shadum jahprang ai ga ni kaman jahkrit sharim kau ai n rai nga ai hpe chye na lu na mara ai,” ngu nna shi nan tsun wu ai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.

EZEKELA 7:3

“Israela e, jahtum ai gaw du nit dai. Nang galaw dan sai amu hte maren ngai nang hpe tara jeyang nga nngai majaw nang gaw nye a sindawng kahtet ai hpe hkam sha na rai ndai. Ngai gaw nang galaw ai matsat shabat amu yawng a matu nang hpe htang jaw na nngai.

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 9:2

Shi hkaw dung ai laning mi hta, chyoi pra ai laika ni hpe hti let, dai Madu gaw myihtoi Yeremia hpe tsun dan nu ai hte maren, Yerusalem hten run mat na ngu ai sanit shi ning hte seng nna myit sumru yu nga nngai.

HOSEA 10:10

Ngai gaw ndai yubak galaw ai amyu masha ni hpe htim gasat nna shanhte hpe ari jaw na nngai. Masha amyu baw ni mung shada da shang lawm wa nna shanhte hpe ninghkap na mara ai; shanhte galaw shut ai yubak ni a majaw ari jaw ai hkrum na mara ai.

ZEHKARIA 6:8

Dai hpang, lamu kasa gaw ngai hpe, “Dingdung maga Babelon mung de sa ai gumra ni gaw dai Madu a masin kahtet ai hpe shakawp ya manu ai,” ngu nna jahtau tsun wu ai.

TARA JAHPRANG 28:63

Dai Madu gaw nanhte hpe ngamu ngamai shangun nna shalaw jahtam ai hta kabu sharawng nga ai zawn nanhte hpe shamyit kau nhtawm jahten sharun kau na hta mung kabu sharawng na rai wu ai. Nanhte gaw nanhte madu la hkyen ai mungdan kaw na gawt shapraw kau hkrum na marin dai.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.