EZEKELA 5:10 - Jinghpaw Common Language Bible 2009

¹⁰ Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

Jinghpaw Hanson Version Bible

¹⁰ “Dai re ai majaw na a ka-ang e, kawa ni gaw kasha ni hpe, kasha ni gaw kawa ni hpe, sha na mara ai; ngai nang hpe dawdan nna, naw ngam nga ai ni mahkra hpe, nbung bung shagu de shapoi kau na nngai.

EZEKELA 5:10 ပူးပေါင်းရင်းမြစ်များ

2 HKAWHKAM 6:29

Dai rai nna an gaw nye a kasha hpe shadu sha ga ai. Hpawt ni gaw shi a kasha hpe an sha na ga ai ngu nna shi hpe ngai tsun ti mung shi a kasha hpe makoi kau nga ai!,” ngu nna htan wu ai.

NEHEMIA 1:8

Nang Mawshe hpe tsun da sai ga hpe ya dum nga u: ‘Nanhte Israela amyu masha ni ngai hpe n kam n sham myit dai rai yang, ngai nanhte hpe kaga masha amyu ni a lapran de shabra kau na made ai.

SHAKAWN KUNGDAWN 44:11

Sagu ni hpe zawn anhte hpe sat kau na matu, nang ahkang jaw kau nit dai; nang gaw anhte hpe maigan mungdan ni de shabra kau nit dai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

YEREMIA 44:12

Egutu mung hta shingbyi na matu myit daw dan nna sa shanu nga ai naw ngam nga ai Yuda masha ni a matu chyawm gaw shanhte yawng shamyit kau hkrum na mara ai hpe ngai mu lu na nngai. Egutu mung hta nga ai dai kaji ai kaw na kaba htum ai du hkra na shanhte yawng gaw hpyen majan hta mung, kawsi hpang gara ai hta mung, si htum mat na mara ai. Shanhte gaw yu hkrit hpa shara tai mat na mara ai, masha amyu baw ni shanhte hpe asawng asang di nna shanhte a amying hpe dagam dala matsa mawa ga tsun ai zawn lang na mara ai.

YEREMIA 49:32

“Shanhte a gawla-uk ni hte yam nga hpung ni yawng hpe madu la kau mu! Kara kadun rep ai dai masha ni hpe shara shagu de ngai shabra kau nna shara shagu hkan na tsin-yam tsindam shanhte a ntsa e ngai shapraw na we ai.

YEREMIA 49:36

Ngai gaw shara shagu hkan na nbung ni hte Elam hpe ahpawt kau shangun na we ai, tsin-yam hkrum sha ai masha ni n du hkawm ai mungdan mi n nga ai aten du hkra, dai mung masha ni hpe shara shagu hkan shabra kau na we ai.

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 9:16

Ngai gaw shanhte mung, shanhte a kaji kawa ni mung n na yu ai amyu ni a ka-ang e, shanhte hpe shabra kau ai hte shanhte hpe atsai awai shamyit kau ai aten du hkra shanhte hpang de hpyen luksuk ngai shangun dat na nngai,” ngu nna htan wu ai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

SHARUNG SHAYAWT 4:10

Dai ru yak tsin-yam tsindam gaw nye a amyu masha ni hpang de hkrit hpa la sa nga ai; tsaw ra myit manoi ai kanu ni gaw shanhte a kashu kasha ni hpe lusha a matu shadu ma ai.

SHARUNG SHAYAWT 4:16

Dai Madu gaw shanhte a matu loi mi pyi n myit tsang ya nga ai; shi gaw shi hkum nan shanhte hpe shaden kau nu ai. Shi gaw anhte a hkinjawng ni hte ningbaw ni hpe hpa n sawn wu ai.

SHARUNG SHAYAWT 4:3

Chyahkyawn kanu pyi shi a hkalung ni hpe bau maka nga ai, rai ti mung, nye a amyu masha ni gaw u gawla-uk ni zawn shanhte a kasha kaji ni hpe gumshem nga ma ai.

EZEKELA 12:14

Ngai gaw shi a grup yin hkan nga ai hkaw wang na amyu bawsang ni yawng hte shi a hpaji jaw ninghkrin ni hte sin langa ni hpe man ang ai shara shagu de shabra ayai kau na nngai. Amyu masha ni gaw shanhte hpe sat kau na matu hkan tam na mara ai.

EZEKELA 12:15

“Ngai gaw shanhte hpe kaga masha amyu baw ni a lapran hte maigan mungdan ni hkan shabra ayai kau dat ai shaloi, shanhte gaw ngai nan dai Madu rai nga nngai hpe chye lu na mara ai.

EZEKELA 17:21

Shi a magrau grang htum ai hpyenla ni gaw majan pa hta sat kau ai hkrum na mara ai, naw ngam nga ai ni gaw man ang ai shara de shaden kau ai hkrum na mara ai. Dai shaloi, dai Madu ngai nan tsun ni ai hpe nang chye lu na rai ndai.”

EZEKELA 20:23

Dai re ai majaw, ngai gaw nam mali e kaga ga sadi hpe tawn da ni ai. Shanhte hpe mungkan mungdan shara shagu de shaden shabra kau na ni ai ngu nna ngai dai ga sadi hpe dagam da ni ai.

EZEKELA 22:15

Ngai gaw na a amyu masha ni hpe mungdan shagu hte masha amyu baw shagu hpang de shabra kau nna na a n hkru n shawp ai amu ni hpe jahtum kau ya na nngai.

EZEKELA 36:19

Shanhte a ngasat ngasa lam hte shanhte galaw ai arawn alai hte maren, ngai daw dan ni ai, shing rai shanhte hpe maigan mungdan ni de shabra kau dat nngai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:2

Mare hpe wang da ngut ai shaloi, majaw masum hta na majaw mi hpe mare kata e nat kau u. kaga majaw langai mi hpe mare shinggan de nang kayin hkawm ai shaloi na a nhtu hte dai hpe tawk kau u. Naw ngam nga ai majaw hpe gaw nbung hta shapoi kau u, ngai gaw dai hpe nye a nhtu hte hkan shachyut nang na nngai.

EZEKELA 6:8

“Ngai gaw nkau mi hpe sat sharu kau ai kaw na shalawt nna, masha amyu baw ni a lapran e shabra kau ai hte,

Daniela 9:7

Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.

JAW JAU 26:29

Nanhte a kawsi kyet ai gaw grau sawng wa nna nanhte a kashu kasha ni hpe pyi sha kau na rai myit dai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

AMO LAIKA (AMOS) 9:9

“Ngai gaw n-gu hpe hking kau ai zawn, Israela amyu masha ni hpe hking kau na matu hkang da na nngai. Ngai gaw akyu n rawng ai ni yawng hpe yeng seng kau na matu shanhte hpe masha amyu baw ni a lapran e hking kau na nngai.

ZEHKARIA 2:6

Dai Madu gaw shi a amyu masha ni hpe, “Ngai gaw nanhte hpe man maga shagu de shabra kau made ai. Rai ti mung ya chyawm gaw bawng dung hkrum ai ni e, Babelon mung na hprawng lawt wa nhtawm Yerusalem de nhtang wa manu.

ZEHKARIA 7:14

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 32:26

Kadai mung shanhte hpe n dum lu manu ga, shanhte hpe ngai tsep kawp shamyit kau na mawe ai.

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.