EZEKELA 48:9 - Jinghpaw Common Language Bible 2009

⁹ Dai Madu hpe nawng ya da sai dai san da ai lamu ga a ka-ang na shara gaw galu de deng 10, nda de deng 8 rai nga ai.

Jinghpaw Hanson Version Bible

⁹ Yehowa hpe nawng ya ai ga dachyawk chyawm gaw, galu de mun lahkawng hkying manga, nda de mun mi rai nga ai.

EZEKELA 48:9 ပူးပေါင်းရင်းမြစ်များ

EZEKELA 44:28

“Ndai hkinjawng ni gaw hkinjawng aya hpe shanhte a sali wunli zawn ban mi hte ban mi shachyaw nna galaw na, Israela hpe ngai hkang da ni ai. Shanhte gaw Israela mung hta hpa sut gan mung madu da lu na n rai. Ngai gaw shanhte hta ra kadawn nga ai lam yawng mayawng rai nga nngai.

EZEKELA 45:1

Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai.

EZEKELA 48:10

Hkinjawng ni gaw dai chyoi pra ai shara a ga dachyawk hpe lu la nga ai. Shanhte a ga dachyawk hpe shadawn yang, sinpraw kaw nna sinna de du hkra deng 10 rai nna, dingdung kaw nna dingda de deng 4 rai nga ai. Dai Madu a Nawku Htingnu chyawm gaw dai shara a ka-ang hta rai na rai nga ai.

EZEKELA 48:8

Bai lamu ga a kaga daw langai mi hpe mung lak san lang na matu kaga san di da nga ai. Dai lamu ga gaw amyu bawsang ni hpe garan ya ai zawn dingdung kaw nna dingda de deng 10 galu nna sinpraw kaw nna sinna de du hkra mung maren rai nga ai. Nawku Htingnu mung dai lamu ga hta rai na rai nga ai.

YAWSHU 21:2

Hkanan mung na Shilo mare hta shanhte hpe, “Anhte nga na mare ni jaw ya na matu mung, dai mare ni a grup yin hta anhte a yam nga u hpung ni a matu udat shara jaw ya na matu mung, dai Madu gaw Mawshe a lata hku jaw ya mani ai,” ngu nna tsun ma ai.