EZEKELA 48:29 - Jinghpaw Common Language Bible 2009

²⁹ Tsaw Htum ai dai Madu gaw, “Ndai gaw Israela amyu bawsang ni kaning rai garan la nna madu la na mungdaw ni a lam rai nga ai,” ngu nna tsun wu ai.

Jinghpaw Hanson Version Bible

²⁹ “Da ndai gaw, Israela amyu ni sali wunli lu la na matu, hpaida da ai hte karan la ai lamu ga rai nga nna, langai hte langai lu la ai mungdaw ni rai nga ai,” nga nna Madu Yehowa tsun ai.

EZEKELA 48:29 ပူးပေါင်းရင်းမြစ်များ

EZEKELA 45:1

Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai.

BU HKAWM 34:13

Dai rai nna Mawshe gaw Israela amyu masha ni hpe, “Ndai lamu ga gaw amyu bawsang jahku hte chyen mi hpe dai Madu masat da ya ai lamu ga rai nna, dai hpe hpaida da let nanhte karan la na rai myit dai.

BU HKAWM 34:2

“Ngai nanhte hpe jaw ya nga ai Hkanan mung de shang wa myit dai shaloi nanhte a lamu ga jarit ndai hku rai na rai nga myit dai.

YAWSHU 18:10

Yawshu gaw shanhte a matu dai Madu hte bawng ban let hpaida da nna ngam nga ai Israela amyu bawsang ni hpe amyu langai hte langai a matu lamu ga masat ya wu ai.