EZEKELA 48:28 - Jinghpaw Common Language Bible 2009

²⁸ Gad a amyu bawsang ni hpe jaw ai dingda maga na mungdaw gaw sinna dingda daw Tamara kaw nna Kadesha hka hpawk du hkra, bai sinna dingdung ngu na Egutu lamu ga jarit mayan kaw nna Ka-ang Panglai du hkra rai na rai nga ai.

Jinghpaw Hanson Version Bible

²⁸ Ya Gad mungdaw dingda jarit gaw, Tamara kaw nna, Meribot-kadesha hka htung ni hte Egutu hka shi lai, nammukdara kaba du hkra, rai na ra ai.

EZEKELA 48:28 ပူးပေါင်းရင်းမြစ်များ

EZEKELA 47:15

“Dingdung maga de na lamu ga jarit gaw Ka-ang Panglai kaw nna sinpraw maga de nga ai Hetlon, Hamat Uhkan hte Zedad mare de byawn,

2 HKAWHKAM LABAU 20:2

Dat kasa nkau mi gaw Hkawhkam Yehoshahpat kaw sa nna ning ngu nna tsun ndau ma ai: “Jum Nawng a wora hkran, Edom mung na hpyen luksuk kaba gaw nang hpe sa gasat na matu du sa wa mara ai. Shanhte gaw Hazazon Tama mare hpe mung gasat dang la kau manu ai.” (Dai gaw Engedi hpe tsun ai kaga mying langai rai nga ai.)

EZEKELA 47:10

Engedi hka deng ni kaw nna Engalim hka deng lam dingyang, nga hkan sha ai masha ni hkin-gau hkan nga nna shanhte a sumgawn ni hpe hpyan lam da na mara ai. Dai shara hta law la ai nga amyu myu hte gaw Ka-ang Panglai e rawng ai ni zawn, law htam wa na mara ai.

ESAIA 27:12

Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

SHAKAWN KUNGDAWN 106:32

Amyu masha ni gaw Meriba hka hpawk hta e, dai Madu hpe pawt sindawng shangun mu ai; shanhte galaw shapraw ai arawn alai a majaw, Mawshe mung ru yak tsin-yam hkrum nu ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

BU HKAWM 34:5

Dai gaw bai kayin yu wa nhtawm Egutu mung a jarit hta nga ai kadit hta hkan nna Ka-ang Panglai e htum na rai nga ai.

BU HKAWM 20:13

Israela amyu masha ni dai Madu hpe aput angun ai hte shi chyoi pra nga ai lam shanhte hpe madun dan nu ai gaw Meriba e byin nga sai.

BU HKAWM 20:1

Israela shawa hpung ting gaw shata langai ngu na hta, Zin Nam Mali de du nna Kadesha shara e dap jung nga ma ai; dai yang e Miriam si mat nna lup makoi da ma ai.

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NINGPAWT NINGHPANG 14:7

Dai hpang shanhte kayin yu wa nna (Dai aten hta Enmisahpat ngu ai) Kadesha mare de nhtang mat wa ma ai. Shanhte gaw Amalek masha ni a mungdan ting hpe mung, Hazazon Tama e nga ai Amori masha ni hpe mung dang kau ma ai.