EZEKELA 48:15 - Jinghpaw Common Language Bible 2009

¹⁵ Galu de deng 10, nda de deng 2 dam ai dai lak san shara a daw chyen mi naw ngam ai shara gaw chyoi pra ai shara n rai; rai ti mung, dai gaw shawa masha ni lang na matu rai nga ai. Shanhte gaw dai shara ni hta shanu nga lu nna lamu ga hpe akyu jashawn lu na mara ai. Mare gaw de a ka-ang e de na mara ai,

Jinghpaw Hanson Version Bible

¹⁵ Ya dai mun lahkawng hkying manga makau e naw ngam nga ai hkying manga dam ai ga dachyawk gaw, yu maya masha ni nga nna, mare dè na htingra hte mare ginwang tai na ra ai: mare gaw de a ka-ang e dè na ra ai.

EZEKELA 48:15 ပူးပေါင်းရင်းမြစ်များ

EZEKELA 22:26

Hkinjawng ni mung nye a tara hpe run kau nna, chyoi pra ai arai hpe n gawn n sawn di ma ai. Shanhte gaw chyoi pra ai hte n chyoi n pra ai hpe n ginhka ma ai. Shanhte gaw san seng ai hte n san n seng ai baw ni a shai nga ai lam hpe n sharin ya nga ma ai; Bansa Nhtoi hpe mung hpa zawn n nawn nga ma ai. Dai lam ni a majaw, Israela amyu masha ni gaw ngai hpe hkrit hkungga nga ma ai n rai.

EZEKELA 42:20

Dai rai nna, bunghku du hkra lawm yang, man mali grup grup pe 840 rai nga ai. Dai bunghku gaw chyoi pra ai hte n chyoi n pra ai shara ni hpe garan ginhka na matu kum da nga ai.

EZEKELA 44:23

“Dai hkinjawng ni gaw nye a amyu masha ni hpe chyoi pra ai hte n chyoi n pra ai hpe chye ginhka lu na matu mung, nawku htung hte seng ai san seng ai hte n san n seng ai lam ni hpe mung sharin achyin ya ra nga ma ai.

EZEKELA 45:6

Chyoi pra ai shara hte htep re ai shara hta, galu de deng 10, nda de deng 2 dam ai kaga shara gaw Israela amyu masha ni kadai rai tim mai shanu nga na mare a matu san da nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.