EZEKELA 48:1 - Jinghpaw Common Language Bible 2009

^1-7 Dai mung a dingdung maga na lamu ga jarit gaw Ka-ang Panglai kaw nna sinpraw maga de nga ai Hetlon, dai kaw nna Hamat Uhkan hte Enon mare de byawn; Damasku mung hte Hamat mung lamu ga jarit ni de du hkra rai nga ai. Amyu bawsang shagu gaw sinpraw ga jarit kaw nna sinna maga Ka-ang Panglai du hkra, dingdung kaw nna dingda de du hkra na lamu ga hpe daw hte daw garan la nga ma ai: Dan Ashe Naphtali Manashe Ehprim Rubin Yuda

Jinghpaw Hanson Version Bible

¹ Ya Israela ginwang amying ni da ndai rai nga ai: dingdung maga de Hetlon lai, Hamat de shang ai lam du hkra, Damasku lamu ga jarit makau e nga ai Hamat hte Hazaraenon garet nna, sinpraw maga kaw nna sinna maga du hkra, Dan mungdaw rai nga ai.

EZEKELA 48:1 ပူးပေါင်းရင်းမြစ်များ

2 SAMUELA 24:2

Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

EZEKELA 47:13

Tsaw Htum ai dai Madu gaw, “Ndai mungdan a lamu ga jarit ni gaw amyu bawsang shi lahkawng a lapran garan ya na lamu ga ni hte Yosep a amyu bawsang hta na mungdaw lahkawng lu la na lam ni rai nga ai.

EZEKELA 47:20

“Sinna maga de na lamu ga jarit gaw Ka-ang Panglai hte dingdung de Hamat Uhkan a sinna jut du hkra rai nga ai.

EZEKELA 47:23

Mungdan kata shanu nga ai maigan masha shagu gaw shi shanu nga ai Israela amyu masha ni a ka-ang hta shi a sali wunli hkam la lu na ra ai. Tsaw Htum ai dai Madu ngai nan tsun ni ai.”

YAWSHU 19:48

Dai gaw Dan a amyu bawsang hta na lakung lama ni madu la ai sali ga na shanhte a mare hte kahtawng ni rai nga ai.