EZEKELA 47:8 - Jinghpaw Common Language Bible 2009

⁸ Shi gaw ngai hpe, “Ndai hka gaw hkarang hku nna sinpraw de lwi wa nhtawm Yawdan Kadit hte Jum Nawng de lwi shang mat wa nga ai. Hka dai Jum Nawng de lwi shang wa ai shaloi, panglai jum hka hpe hka kaja hte galai ya nga ai.

Jinghpaw Hanson Version Bible

⁸ Shaloi dai wa gaw, Ndai hka gaw sinpraw maga de lwi wa nna, zaibru jang hku lai wa nhtawm, nawng de ang wa na ra ai: dai lwi ai hka gaw nawng hta shang nna, nawng hka gaw mu na ra ai.

EZEKELA 47:8 ပူးပေါင်းရင်းမြစ်များ

PRU MAT 15:25

Mawshe gaw dai Madu hpe akroi anoi hpyi jahtau wu ai rai nna, dai Madu mung shi hpe hpun langai mi madun wu ai. Dai hpe hka de kabai bang dat wu yang, hka dai gaw lu mai nga sai. Dai yang e dai Madu gaw shanhte hkan sa na Tara ni hpe jaw nhtawm shanhte hpe mung chyam yu wu ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 35:6

Lagaw hten ai wa gaw gumlawt ai hte ka manawt na ra ai, ma-a ai wa gaw kabu gara jahtau na ra ai. Hka shi ni zaibru jang hku lwi wa na mara ai;

ESAIA 35:7

hkru nga ai zaibru jang gaw hka nawng tai na ra ai, hkun hkraw ai lamu ga gaw hka hpawk ni hte hpring na ra ai. Nam gwi ni nga ga ai shara gaw hka shaman hte mai-aw ni tu na mara ai.

ESAIA 43:20

Zaibru jang hta hka nu ni hpe shalwi dat nna lata la hkrum ai nye a amyu masha ni hpe hka jaw ai shaloi, matse labye dusat ni pyi ngai hpe shagrau sha-a nna gwi ma-a ni hte gawla-uk u ni ngai hpe shakawn kungdawn na mara ai.

ESAIA 49:9

Ngai gaw bawng dung ai masha ni hpe, ‘Ndut ndang pru wa manu!,’ ngu nna mung, nsin kata e rawng nga ai ni hpe, ‘Nhtoi de pru wa marit!,’ ngu nna mung tsun na nngai. Shanhte gaw kawng ni hkan ushat sha nga ai sagu ni zawn tai na mara ai,

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

TARA JAHPRANG 3:17

Sinna maga de na shanhte a lamu ga jarit gaw Yawdan hka htep maden nga ai hte dingdung maga Galile Nawng kaw nna dingda de Jum Nawng, bai sinpraw hkran Pisga bum lagaw du hkra chyawm gaw Rubin hte Gad amyu bawsang ni hpe ngai jaw ya se ai.

TARA JAHPRANG 4:49

Yawdan hka a sinpraw maga de nga ai ginwang yawng hte hpawn dingda maga Jum Nawng htep de a sinpraw maga na Pisga bum lagaw du hkra dam nga ai.

YAWSHU 3:16

lwi nga ai hka gaw hkring mat nna grai tsan ai Zarehtan makau na Adam mare du hkra sumpum tsaw mat wa nga ai. Jum Nawng de lwi yu wa ai hka mung tsep kawp hkyet mat ai rai nna amyu masha ni mung Yerihko mare ang ang hku rap sa wa ma ai.