EZEKELA 47:22 - Jinghpaw Common Language Bible 2009

²² dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

Jinghpaw Hanson Version Bible

²² Nanhte mung, nanhte hta shingbyi nga nna, nanhte hte rau htinggaw rawn ai tsasam masha ni mung, dai mungdan hta sali wunli lu la hkra, nanhte gaw hpaida da ai hte, dai hpe karan la na myit dai; tsasam masha ni gaw, dai mungdan hta shangai wa ai Israela kashu kasha majing zawn, rai na mara ai: shanhte gaw Israela amyu masha ni hte rau, sali wunli hkam la na mara ai.

EZEKELA 47:22 ပူးပေါင်းရင်းမြစ်များ

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

EZEKELA 45:1

Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai.

EZEKELA 47:21

“Ndai lamu ga hpe nanhte amyu bawsang ni a lapran garan la na rai myit dai;

EZEKELA 47:23

Mungdan kata shanu nga ai maigan masha shagu gaw shi shanu nga ai Israela amyu masha ni a ka-ang hta shi a sali wunli hkam la lu na ra ai. Tsaw Htum ai dai Madu ngai nan tsun ni ai.”

EZEKELA 48:29

Tsaw Htum ai dai Madu gaw, “Ndai gaw Israela amyu bawsang ni kaning rai garan la nna madu la na mungdaw ni a lam rai nga ai,” ngu nna tsun wu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

ROMA 10:12

Hpa majaw nga yang, dai hta yawng lawm nga ai rai nna, Yuda ni hte tara maigan masha ni a lapran e lachyen lahka n nga ai sha dai Madu gaw yawng mayawng a ntsa na Madu rai nga ai hte shi hpe shaga ai ni yawng mayawng hte hpe shaman chyeju nhpaw n-ya jaw ya mu ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

TARA JAHPRANG 10:19

Dai rai nna nanhte nan mung Egutu mung e maigan masha ni zawn sa tai yu manit dai majaw ndai maigan masha ni hpe tsaw ra mu.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.