EZEKELA 47:20 - Jinghpaw Common Language Bible 2009

²⁰ “Sinna maga de na lamu ga jarit gaw Ka-ang Panglai hte dingdung de Hamat Uhkan a sinna jut du hkra rai nga ai.

Jinghpaw Hanson Version Bible

²⁰ Sinna maga jarit gaw, dingdung jut kaw nna, Hamat de shang ai lam tawtap du hkra, nammukdara kaba, rai na ra ai. Dai gaw sinna de na lamu ga jarit rai nga ai.

EZEKELA 47:20 ပူးပေါင်းရင်းမြစ်များ

2 HKAWHKAM LABAU 7:8

Shawlumon hte Israela amyu masha ni gaw nhtoi sanit ya tup Sum Poi galaw ma ai. Dai yang e, dingdung maga Hamat uhkan kaw nna dingda maga Egutu lamu ga jarit du hkra na amyu masha wunawng wuwa ni sa du shajang nga ma ai.

EZEKELA 47:16

dai gaw Berohta hte Sibraim mare ni de htuk rai nga ai (dai ni gaw Damasku mung hte Hamat mung a lapran kaw nga ai mare ni rai nga ai), dai kaw nna Tikon mare de byawn rai nga ai (dai mare gaw Hauran ginwang a jarit makau e nga nga ai.)

EZEKELA 47:21

“Ndai lamu ga hpe nanhte amyu bawsang ni a lapran garan la na rai myit dai;

EZEKELA 48:1

Dai mung a dingdung maga na lamu ga jarit gaw Ka-ang Panglai kaw nna sinpraw maga de nga ai Hetlon, dai kaw nna Hamat Uhkan hte Enon mare de byawn; Damasku mung hte Hamat mung lamu ga jarit ni de du hkra rai nga ai. Amyu bawsang shagu gaw sinpraw ga jarit kaw nna sinna maga Ka-ang Panglai du hkra, dingdung kaw nna dingda de du hkra na lamu ga hpe daw hte daw garan la nga ma ai: Dan Ashe Naphtali Manashe Ehprim Rubin Yuda

AMO LAIKA (AMOS) 6:14

Chyahtum Chyalai N-gun rawng ai Madu Karai Kasang gaw shi nan, “Israela amyu masha ni e, ngai gaw nanhte a mungdan hpe madu la na matu maigan hpyen hpung hpe shangun dat na nngai. Dai ni gaw nanhte hpe dingdung maga Hamat Uhkan kaw nna dingda maga Araba hka shi du hkra zingri zingrat na myit dai,” ngu nna tsun ai.

BU HKAWM 34:6

“Sinna maga de na lamu ga jarit gaw Ka-ang Panglai rai na rai nga ai.

TARA AGYI 3:3

Dai mung hta ngam nga ai ni gaw Hpilisti mare manga hte hte, Hkanani amyu ni yawng, Sidon masha ni, bai Bela Hermon Bum kaw nna Hamat mare uhkan du hkra nga ai Lebanon Bum hkan na Hiwi masha ni rai nga ai.