EZEKELA 47:2 - Jinghpaw Common Language Bible 2009

² Shi gaw dingdung chyinghka lam hku Nawku Htingnu kata kaw nna woi shapraw la nhtawm sinpraw de yawng ai chyinghka grup yin de ngai hpe woi sa wa ai. Dai yang e, hka shi kasha langai mi gaw dingda chyinghka kaw nna lwi pru nga ai.

Jinghpaw Hanson Version Bible

² Bai shi gaw, dingdung chyinghka lam hku ngai hpe shapraw nna, shinggan hku kayin woi hkawm wa let, sinpraw maga de yawng ai shinggan chyinghka lam de du yang, hkra maga e hka lwi nga ai hpe, ngai mu nngai.

EZEKELA 47:2 ပူးပေါင်းရင်းမြစ်များ

EZEKELA 40:35

Dai hpang, dai masha wa gaw dingdung chyinghka lam de ngai hpe woi sa wa wu ai. Shi gaw dai chyinghka lam shadawn wu yang, dai gaw kaga ni hte maren hkrang kasi bung nga ai.

EZEKELA 44:2

dai Madu gaw ngai hpe, “Ndai chyinghka la da nga na ra ai, dai hpe galoi mung hpaw lu na ra ai n rai. Masha kadai mung dai hpe lang lu na ahkang n lu nga ai, hpa majaw nga yang, dai Madu Israela a Karai Kasang ngai gaw dai hku shang ai majaw rai nga ai. Dai gaw naw la da ra nga ai.

EZEKELA 44:4

Dai hpang, dai masha wa gaw Nawku Htingnu ndaw de dingdung chyinghka hku ngai hpe woi sa wa nga ai. Ngai mada yu nga yang, dai Madu a Nawku Htingnu hta htoi tu ai shi a hpung shingkang hte hpring nga ai hpe mu nngai. Ngai hkum nan ga de gum dagup nngai,

EZEKELA 47:1

Dai masha wa gaw Nawku Htingnu chyinghka de ngai hpe bai woi nhtang wa ai. Hka gaw chyinghka hkinbawng npu kaw nna pru wa nhtawm Nawku Htingnu man yawng ai sinpraw de lwi mat wa nga ai. Dai hka gaw Nawku Htingnu a dingda npu na hpaw pru wa nhtawm tawn hkungri a dingda maga de lwi mat wa nga ai.

EZEKELA 47:3

Dai masha wa gaw shi a shadawn ningren hte sinpraw maga de lwi hkrat mat wa ai hka hpe pe 1680 du hkra shadawn nna dai hka shi hku rap sa wa na ngai hpe tsun wu ai. Hka dai gaw hkarutum kaw sha du nga ai.