EZEKELA 47:18 - Jinghpaw Common Language Bible 2009

¹⁸ “Sinpraw maga de na lamu ga jarit gaw Damasku mungdaw hte Hauran mung lapran nchyun shara kaw nna dingda daw Yawdan hka dingyang yu wa nhtawm Jum Nawng hte htep re ai Tamara mare du hkra rai nga ai. Dai Yawdan Hka gaw sinna maga Israela mung hte sinpraw maga Gilead mung yan hpe garan da ai jarit rai nga ai.

Jinghpaw Hanson Version Bible

¹⁸ Sinpraw maga jarit gaw, Hauran, Damasku, Geliad mung hte Israela mungdan lapran e Yawdan hka din nga ai: dingdung jut kaw nna, sinpraw nawng du hkra shadawn yu mu. Dai gaw sinpraw de na lamu ga jarit rai nga ai.

EZEKELA 47:18 ပူးပေါင်းရင်းမြစ်များ

NINGPAWT NINGHPANG 13:10

Lawt gaw grup yin de mada dat yu wu yang, Zoara mare hkrang ai lam dingyang ngu na dai Yawdan Kadit ting hta hka law nga ai rai nna, dai gaw dai Madu a Sun Shing n rai Egutu mung zawn rai nga ai hpe mu wu ai. (Dai gaw Sodom hte Gomora mare ni hpe dai Madu garai n jahten kau yang byin ai lam rai nga ai.)

NINGPAWT NINGHPANG 13:11

Dai rai nna, Lawt gaw shi a matu Yawdan Kadit ting hpe lata la nhtawm sinpraw maga de htawt mat wa wu ai. Dai kaw nna shan lahkawng langai hte langai hka mat wa ma ai.

NINGPAWT NINGHPANG 31:23

Shi gaw shi a masha ni hpe woi nhtawm sanit ya tup hkan shachyut yang, Yaku hpe Gilead bum ga e hkan dep wu ai.

NINGPAWT NINGHPANG 31:47

Laban chyawm gaw dai hpe Yegara Sahaduta ngu nna shamying wu ai. Yaku mahtang dai hpe Galeda ngu nna shamying wu ai.

NINGPAWT NINGHPANG 37:25

Shanhte shat sha nga ma yang, Gilead mung kaw nna Egutu mung de bu hkawm sa wa ai Ishmaela masha wuhpung ni hpe shanhte akajawng mu dat ma ai. Shanhte a gawla-uk ni hta manam pyaw ai namji namya, hpun naw hte mura ni hpe htaw nga ma ai.

YOBA 40:23

Shi gaw hka nu ni adawt wa ti mung hkrit ai n rai; Yawdan hka gaw shi a myi man hpe adawt hkra yang pyi, shi asim sha nga nga ai.

YEREMIA 50:19

Ngai gaw Israela amyu masha ni hpe shanhte a mungdan de nhtang wa shangun na nngai; shanhte gaw Hkarmela bum ntsa hte Bashan ginwang hkan tu ai namlaw namlap lusha ni sha nna, Ehprim hte Gilead mungdaw hkan shanhte ra ai made tu ai nsi naisi ni sha lu na mara ai.

EZEKELA 47:16

dai gaw Berohta hte Sibraim mare ni de htuk rai nga ai (dai ni gaw Damasku mung hte Hamat mung a lapran kaw nga ai mare ni rai nga ai), dai kaw nna Tikon mare de byawn rai nga ai (dai mare gaw Hauran ginwang a jarit makau e nga nga ai.)

YOELA 2:20

Ngai gaw dingdung maga de na du sa ai dinggam-yaw hpyen hpung hpe jahtaw kau nna shanhte hta na nkau mi hpe nam mali de gawt kau na nngai. Shanhte a shawng man na arawng aya lu ai ni hpe Jum Nawng de, shanhte a shingdu arawng aya lu ai ni hpe Ka-ang Panglai de gawt kau na we ai. Shanhte a moi mang ni manam hkying na mara ai. Shanhte yawng nanhte hpe galaw manu ai majaw, shanhte hpe ngai jahten shaza kau na we ai.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 34:10

“Sinpraw maga de na lamu ga jarit gaw Haza Enan kaw nna Shehpam shara du hkra hkren rai nga ai.

TARA AGYI 10:8

Shanhte gaw Yawdan hka sinpraw hkran na Gilead mung Amori masha ni a lamu ga hta wa nga ai Israela masha ni yawng hpe shi matsat ning tup dip gamyet sha let zingri zingrat di da ma ai.