EZEKELA 47:10 - Jinghpaw Common Language Bible 2009

¹⁰ Engedi hka deng ni kaw nna Engalim hka deng lam dingyang, nga hkan sha ai masha ni hkin-gau hkan nga nna shanhte a sumgawn ni hpe hpyan lam da na mara ai. Dai shara hta law la ai nga amyu myu hte gaw Ka-ang Panglai e rawng ai ni zawn, law htam wa na mara ai.

Jinghpaw Hanson Version Bible

¹⁰ Nga hkan ai ni gaw, dai nawng makau e tsap nga nna, Engedi shara kaw nna, Engalim du hkra, sumgawn lam ai shara tai na ra ai: nga amyu myu mung, nammukdara nga zawn, grai law na mara ai.

EZEKELA 47:10 ပူးပေါင်းရင်းမြစ်များ

NINGPAWT NINGHPANG 14:7

Dai hpang shanhte kayin yu wa nna (Dai aten hta Enmisahpat ngu ai) Kadesha mare de nhtang mat wa ma ai. Shanhte gaw Amalek masha ni a mungdan ting hpe mung, Hazazon Tama e nga ai Amori masha ni hpe mung dang kau ma ai.

2 HKAWHKAM LABAU 20:2

Dat kasa nkau mi gaw Hkawhkam Yehoshahpat kaw sa nna ning ngu nna tsun ndau ma ai: “Jum Nawng a wora hkran, Edom mung na hpyen luksuk kaba gaw nang hpe sa gasat na matu du sa wa mara ai. Shanhte gaw Hazazon Tama mare hpe mung gasat dang la kau manu ai.” (Dai gaw Engedi hpe tsun ai kaga mying langai rai nga ai.)

SHAKAWN KUNGDAWN 104:25

N dang hti hkra law la ai hkrung mahkrung kaji kaba ni shanu nga ai, Nammukdara gaw dam lada nna kaba nga ai.

ESAIA 19:8

Nila hka nu hta nga hkwi sha let kan bau nga ai masha hkum shagu hte gaw, jahtau hkrap ai hte madai sharung na mara ai; Shanhte lang ai nga myek ni hte sumgawn ni akyu n pru mat na mara ai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 49:20

Bawng dung hkrum ai mung hta shangai wa ai na a amyu masha ni gaw lani mi na nhtoi hta nang hpe, ‘Ndai lamu ga gaw nau kaji nga ai, anhte ashang awang nga lu na matu nga shara naw ra ga ai!,’ nga nna tsun na mara ai.

EZEKELA 26:14

Nga hkan ai ni shanhte a sumgawn ni lam jahkraw la ai dai krin ai lungrawk shara hpe chyu sha ngam tawn da na nngai. Dai mare hpe galoi mung bai de da lu na n rai. Tsaw Htum ai dai Madu ngai nan tsun ni ai,” ngu nna tsun wu ai.

EZEKELA 26:5

Nga hkan sha ai ni gaw panglai hka hta dung ai dai krin ai lungrawk ntsa hta shanhte a sumgawn lam jahkraw da na mara ai. Tsaw Htum ai dai Madu ngai nan tsun ni ai. Masha amyu baw ni gaw Turu hpe gasat kashun kau na mara ai,

EZEKELA 47:15

“Dingdung maga de na lamu ga jarit gaw Ka-ang Panglai kaw nna sinpraw maga de nga ai Hetlon, Hamat Uhkan hte Zedad mare de byawn,

EZEKELA 47:19

“Dingda maga de na lamu ga jarit gaw sinna dingda maga Tamara kaw nna Kadesha Meriba hka hpawk pru ai shara du; dai hpang, sinna dingdung Egutu mung lamu ga jarit mayan kaw nna Ka-ang Panglai du hkra rai nga ai.

EZEKELA 48:28

Gad a amyu bawsang ni hpe jaw ai dingda maga na mungdaw gaw sinna dingda daw Tamara kaw nna Kadesha hka hpawk du hkra, bai sinna dingdung ngu na Egutu lamu ga jarit mayan kaw nna Ka-ang Panglai du hkra rai na rai nga ai.

BU HKAWM 34:6

“Sinna maga de na lamu ga jarit gaw Ka-ang Panglai rai na rai nga ai.

MAHTE 4:19

Yesu gaw shan hpe, “Ngai kaw hkan nang marit, masha hpe hkan hkwi na lam ngai nan hpe sharin ya made ga,” ngu nna shan hpe shaga wu ai.

MARKU 1:17

Yesu gaw shan hpe, “Ngai kaw hkan marit, masha hpe hkan hkwi na matu, ngai nan hpe sharin ya made ga,” ngu mu ai.

YAWSHU 15:62

Nibshan, Jum mare hte Engedi ni rai nga ai. Kahtawng ni hte hpawn mare kru rai nga ai.

YAWSHU 23:4

Ngai gasat dang la kau sai sinpraw maga, Yawdan hka kaw nna sinna maga Ka-ang Panglai du hkra nga ai masha amyu baw ni yawng hte naw ngam nga ai masha amyu baw ni a lamu ga ni hpe nanhte a amyu bawsang ni madu la na matu ngai masat ya da mase ai.

1 SAMUELA 23:29

Dawi mung dai kaw nna pru wa nhtawm Engedi ginwang de sa wa nna sa makoi nga wu ai.

1 SAMUELA 24:1

Shawlu gaw Hpilisti masha ni hpe sa gasat ai kaw nna bai du wa jang, Dawi gaw Engedi makau na nam mali hkan e nga nga ai lam sa tsun dan ma ai.