EZEKELA 46:2 - Jinghpaw Common Language Bible 2009

² Up hkang du wa gaw shinggan wang kaw na chyinghka lam e nga ai gawk kaba de sa nhtawm chyinghka shadaw ni a makau e sa tsap nga na ra ai; dai aten hkinjawng ni gaw hkum ting nat nawng ai hte mahku hkungga ni hpe shi a matu nawng jau na mara ai. Dai hpang, shi gaw chyinghka hkinbawng e nawku nna shinggan de bai pru mat wa na ra ai. Shana de du hkra dai chyinghka hpe la da lu na n rai.

Jinghpaw Hanson Version Bible

² Du wa gaw, dai chyinghka jan shinggan hku shang nna, chyinghka shadaw makau e tsap nga na ra ai: hkinjawng ni gaw, shi a wan nat hkungga hte mahku hkungga hpe nawng ya nna, shi gaw chyinghka hkinbawng e nawku nhtawm, shinggan de pru wa na ra ai: rai timung, shana garai n du yang, chyinghka hpe la da lu na n rai.

EZEKELA 46:2 ပူးပေါင်းရင်းမြစ်များ

1 HKAWHKAM LABAU 17:16

Dai hpang Hkawhkam Dawi gaw dai Madu a hpung shingkang shanu nga ai Sum de shang dung nhtawm, “Madu Karai Kasang e, nye a matu nang galaw ya sai amu ni hte sawn yu yang, ngai gaw manu dan la ai wa n rai nga nngai; nye a dinghku mung hpa n rai nga li ai law.

1 HKAWHKAM LABAU 9:18

Shanhte a amyu lakung lama ni gaw dai aten kaw nna ya du hkra sinpraw maga na Hkawhkam Chyinghka lam de shang wa ai chyinghka lam hta sin ai ni rai nga ai. Shawng de mahtang Lewi masha ni a dap dabang de sa wa ai chyinghka lam ni hta shanhte sin ma ai.

2 HKAWHKAM LABAU 23:13

Shaloi dai yang e, hkawhkam nnan wa gaw Nawku Htingnu de shang wa ai chyinghka lam makau na, hkawhkam ni a matu san da ya ai shara ngu na shadaw makau e tsap nga nna grup grup de luksuk du ni hte pahtau dum ai ni nga nga ma ai hpe sa mu wu ai. Amyu masha ni yawng mung kabu gara jahtau garu nhtawm pahtau dum nga ma ai. Nawku Htingnu na mahkawn mangoi chye ai ni mung madum sumpyi amyu myu hte dai poi hta dum shakawn nga ma ai. Shi gaw yawn let shi a hpun palawng gang je kau nhtawm, “Gumlau law! Gumlau law!,” ngu nna jahtau tsun dat wu ai.

2 HKAWHKAM LABAU 29:29

Dai hpang Hkawhkam Hezekia hte amyu masha ni yawng Karai Kasang hpe hput di let nawku ma ai.

2 HKAWHKAM LABAU 34:31

Shi gaw hkawhkam shadaw makau e tsap nga let shi a myit masin, wenyi mahkra hte shi a ga hpe madat mara nna tara hte hkang da ai ga ni yawng hpe shadik shatup let, laika hta ka da sai ga shaka hte maren hkan galaw lu hkra nga, dai Madu hte ga shaka shagrin da nu ai.

2 HKAWHKAM LABAU 6:13

(Shawlumon gaw magri mang pinra langai galaw nhtawm dai hpe wang ka-ang e tawn da wu ai; dai gaw man mali bung nna galu maga de pe matsat, tsaw maga de pe manga rai nga ai. Dai pinra de shi lung nna masha shagu shi hpe mu lu ai shara hta lahput hput di let sumsing lamu de shi a lata sharawt da wu ai.)

EZEKELA 40:19

Kata wang kata de hkrang ai chyinghka lam langai mi mung tsaw ai madang hta nga nga ai. Chyinghka lam lahkawng a lapran hpe dai masha wa shadawn yang, dai gaw pe 168 gang nga ai.

EZEKELA 40:39

Ndai shawng du ai gawk hta kade nde ku lahkawng hkawng rai nga ai ku mali rawng ai gawk mung nga nga ai. Dai ku ntsa ni hta hkum ting nat nawng na shagu hkungga, mara raw hkungga hte htingrai htingrat hkungga ni a matu nawng jau na dusat ni hpe shanhte sat ma ai.

EZEKELA 44:3

Hpa mi rai tim, up hkang du wa gaw nye a man e chyoi pra ai lusha sha na matu dai shara de sa wa lu na ra ai. Shi gaw kata jahtum e nga ai gawk kaba hku lai di ai chyinghka lam hku shang nna dai hku bai pru na ra ai,” ngu nna tsun ai.

EZEKELA 45:19

Hkinjawng wa mung dai mara raw hkungga asai nkau mi la nhtawm Nawku Htingnu a chyinghka shadaw ni hta mung, tawn hkungri a jut shara mali hta mung, kata wang de shang wa ai chyinghka lam na shadaw ni hta chya na ra ai.

EZEKELA 46:12

“Up hkang du gaw hkum ting wan nat hkungga, mahku hkungga hpe dai Madu hpang de nawng jau na matu myit katu pru wa ai rai yang, kata wang de shang wa ai sinpraw chyinghka hpe shi a matu hpaw ya na ra ai. Shi gaw Bansa Nhtoi e galaw ai hte maren, hkungga shapraw ya nga ai; shi pru mat wa ai hpang chyinghka la kau ra nga ai,” ngu nna tsun ai.

EZEKELA 46:8

Dai up hkang du wa gaw shi shang wa ai chyinghka lam na gawk kaba hku shi bai pru wa lu na rai nga ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.