EZEKELA 45:8 - Jinghpaw Common Language Bible 2009

⁸ Israela mungdan na dai shara gaw mungdan up hkang du wa a sali tai na ra ai, shi gaw amyu masha ni hpe loi mi mung zingri zingrat na n rai, dai hta n-ga, naw ngam ai lamu ga hpe mung Israela amyu bawsang ni hpe madu la shangun na ra ai.

Jinghpaw Hanson Version Bible

⁸ Dai lamu ga hpe, nye a du ni, Israela mungdan hta madu sha lu na mara ai; htawm hpang de shanhte gaw nye a amyu masha ni hpe zingri zingrat lu na n rai: shanhte gaw naw ngam nga ai lamu ga hpe, Israela amyu ni, langai hte langai hte hpe karan jaw na mara ai.

EZEKELA 45:8 ပူးပေါင်းရင်းမြစ်များ

GA SHAGAWP 28:16

Htauli htaula nyan n rawng ai mung du wa gaw gumshem nga nna; n ding n man ai hpe matsat ai du wa chyawm gaw aten na na up hkang lu na ra ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

EZEKELA 19:3

Shi gaw hkalung langai bau maka la nna shan chye tam na hpaji sharin ya nga ai; dai hkalung gaw masha shan kaning rai sha na sharin la nga ai.

EZEKELA 19:7

Shi gaw hpyen dap ni hpe agrawp jahten kau nna mare ni hpe jahten sharun kau nu ai. Shi shabam ai aten shagu, mungdan masha ni hkrit gari nga ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 46:18

Dai mungdan hpe up hkang ai du wa gaw amyu masha ni a lamu ga sali hpe la kau ya lu na n rai. Shi a shadang sha ni hpe jaw tawn da ai lamu ga chyawm gaw shi hpe jaw ai kaw na rai nga ai; shi gaw lamu ga sali hpe kashun la kau ya ai hku nna nye a amyu masha kadai hpe mung adip arip di lu na n rai.”

ZEHPANI 3:13

Naw ngam nga ai Israela amyu masha ni gaw kade a ntsa e mung shut hpyit ai amu galaw wa na n rai; masu magaw ga tsun na n rai. Hkalem hkalau ga mung shanhte shakut tsun na ma ai n rai. Shanhte gaw kadai hpe mung n hkrit ra ai sha shim lum ai hte ngamu ngamai wa na mara ai.

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

YAWSHU 11:23

Yawshu gaw dai Madu Mawshe hpe hkang da nu ai hte maren, mungdan ting gasat la nhtawm Israela amyu masha ni hpe shanhte a sali ga hku shi jaw nhtawm amyu bawsang shagu hte hpe sali karan ya wu ai. Dai rai nna, shanhte gaw majan man hta na mung hkring sa la lu ma ai.

YAWSHU 19:49

Israela amyu masha ni sali ga karan ngut jang, Nun a kasha Yawshu hpe mung shi a matu sali ga jaw ma ai.