EZEKELA 45:22 - Jinghpaw Common Language Bible 2009

²² Dai ndat da ai poi shani e, up hkang du wa gaw shi a hkum hte amyu masha ni yawng a matu mara raw hkungga usu langai mi shapraw ya na ra ai.

Jinghpaw Hanson Version Bible

²² Dai shani e du wa gaw, shi hkum hte mung masha ni mahkra a matu, mara raw hkungga usu langai mi shapraw na ra ai.

EZEKELA 45:22 ပူးပေါင်းရင်းမြစ်များ

EZEKELA 46:4

Up hkang du wa gaw Bansa Nhtoi e, hkum ting nat nawng na hkungga a matu ra n rawng ai sagu kasha kru hte sagu la langai dai Madu hpang de la sa na ra ai.

JAW JAU 16:5

Israela shawa hpung ting gaw htingrai hkungga a matu bainam la lahkawng, wan nat hkungga a matu sagu la langai, Arun hpe sa ap ya na rai ma ai.

JAW JAU 4:13

Israela shawa hpung ting gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup nhtawm dai mara dan dawng wa ai shaloi,

JAW JAU 4:14

htingrai hkungga shatai na matu shawa hpung gaw usu langai shapraw na rai ma ai. Shanhte gaw dai hpe dai Madu a hpung shingkang shanu nga ai Sum de la sa na rai ma ai;

JAW JAU 4:21

Dai hpang shi galaw shut ai yubak a matu nawng ya ai usu hpe nat wu ai zawn dai usu hpe dap shinggan de woi sa nna nat kau na rai wu ai. Dai gaw shawa hpung hku nna shut kau ai yubak la kau na matu htingrai ai hkungga rai nga ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.