EZEKELA 45:2 - Jinghpaw Common Language Bible 2009

² Dai shara hta Nawku Htingnu a matu man mali maren re ai ga dachyawk nga nna man maga ga de pe 840 galu nhtawm, de a grup yin ting hta pe 84 dam ai htingwan rai na ra ai.

Jinghpaw Hanson Version Bible

² Dai ga dachyawk ka-ang e, galu de dawng manga tsa, nda de dawng manga tsa, jut mali maren rai nga ai ga dachyawk gaw, chyoi pra ai shara matu rai na ra ai: de a grup yin e dawng manga shi dam ai htingwan rai na ra ai.

EZEKELA 45:2 ပူးပေါင်းရင်းမြစ်များ

EZEKELA 27:28

Lup mat wa nga ai li hkang masha ni a marawn jahtau ai nsen gaw Panglai hkin-gau de du hkra hpungtang kashaw nga ai.

EZEKELA 42:15

Dai masha wa gaw Nawku Htingnu kata shadawn ngut ai hpang, sinpraw chyinghka hku ngai hpe woi shapraw mat wa nna Nawku Htingnu a shinggan shara ni hpe shadawn wu ai.

EZEKELA 43:21

Mara raw hkungga a matu nawng jau na usu hpe nang dun la nhtawm dai hpe Nawku Htingnu a shinggan san da ai shara hta nat na rai ndai.

EZEKELA 45:1

Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai.

EZEKELA 45:3

Galu de deng 10, nda de deng 4 dam ai shara hpe shadawn nhtawm dai shara a ka-ang hta Nawku Htingnu ngu ai yawng hta chyoi pra htum ai shara tai na ra ai.