EZEKELA 45:1 - Jinghpaw Common Language Bible 2009

¹ Amyu bawsang shagu hpe lamu ga sali hku garan jaw ai shaloi, ga dachyawk langai mi gaw dai Madu a matu nawng ya ra nga ai. Dai gaw galu de deng 10 rai nna nda de deng 8 rai na rai nga ai. Dai shara yawng hte gaw chyoi pra ai shara tai na ra ai.

Jinghpaw Hanson Version Bible

¹ “Dai hta n-ga, nanhte gaw dai lamu ga hpe, sali hkam la na matu hpaida da nna karan yang, chyoi pra ai ga dachyawk Yehowa hpe nawng ya lu na myit dai: de a galu de nren mun lahkawng hkying manga, nda de nren mun mi rai na ra ai: dai gaw jarit grup yin e chyoi pra nga na ra ai.

EZEKELA 45:1 ပူးပေါင်းရင်းမြစ်များ

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

EZEKELA 42:16

Shi gaw shadawn ningren la nna sinpraw maga de shadawn wu yang, dai gaw pe 840 galu nga ai.

EZEKELA 48:29

Tsaw Htum ai dai Madu gaw, “Ndai gaw Israela amyu bawsang ni kaning rai garan la nna madu la na mungdaw ni a lam rai nga ai,” ngu nna tsun wu ai.

JAW JAU 25:23

Nanhte a lamu ga hpe tut nawng madu nga lu na matu dai hpe dut lu na myit dai n rai; hpa majaw nga yang, lamu ga hpe nanhte madu ai n rai, Karai Kasang mahtang madu nga ai. Nanhte gaw dai hpe gan lang na matu ahkang lu ai tsasam masha ni zawn sha rai nga myit dai.

BU HKAWM 34:13

Dai rai nna Mawshe gaw Israela amyu masha ni hpe, “Ndai lamu ga gaw amyu bawsang jahku hte chyen mi hpe dai Madu masat da ya ai lamu ga rai nna, dai hpe hpaida da let nanhte karan la na rai myit dai.

YAWSHU 13:6

Lebanon Bum ni kaw nna Misrehpot Ma-in lapran hta nga ai bum ga na masha nlang ngu ai Sidon masha mahkra a lamu ga lawm nga ai. Israela amyu masha ni rawt lung wa yang, ndai masha ni hpe ngai shaden kau na we ai. Ngai nang hpe hkang da ni ai hte maren, Israela amyu masha ni hpe dai lamu ga karan jaw lu na rai ndai.

YAWSHU 13:7

Dai lamu ga hpe dai amyu bawsang jahku hte Manashe amyu bawsang kau chyen ni madu la na matu karan jaw na rai ndai,” ngu nna tsun wu ai.

YAWSHU 14:1

Ndai gaw Yawdan hka a sinna hkran de nga ai Hkanan mung hpe Israela amyu masha ni kaning rai karan la ai lam rai nga ai. Hkinjawng Eleaza, Nun a kasha Yawshu, Israela amyu bawsang, lakung lama ni a ningbaw ni hpe dai masha jahpan hta hkan nna karan ya mu ai.

YAWSHU 14:2

Dai Madu Mawshe hpe hkang da nu ai hte maren, dai amyu bawsang jahku hte chyen mi hpe hpaida da let Yawdan hka a sinna hkran na lamu ga karan ya wu ai.

YAWSHU 14:3

Yawdan hka a sinpraw hkran na lamu ga hpe amyu bawsang lahkawng hte chyen mi hpe Mawshe masat ya nu ai. (Yosep a amyu matu mara ni hpe Manashe hte Ehprim amyu bawsang lahkawng hta karan ya nga ai.) Mawshe chyawm gaw Lewi masha ni hpe lamu ga dachyawk mi mung n jaw wu ai. Shing rai jaw na malai, shanhte nga na mare ni hte shanhte lu tawn ai dumsu yam nga hpung a matu udat shara pa layang ni hpe shanhte lu la nga ma ai.