EZEKELA 43:7 - Jinghpaw Common Language Bible 20097 “Si chye ai masha wa e, ndai gaw nye a tingnyang rai li ai. Ndai yang e, Israela amyu masha ni hte rau ngai shanu nga nna shanhte hpe htani htana up hkang nga na nngai. Israela amyu masha ni hte shanhte a hkawhkam ni gaw karai shaje ni hpe nawku ai hku nna mung, shanhte a hkawhkam ni a si mang ni a makau hkan e mung, nye a chyoi pra ai mying ningsang hpe awu asin bai di lu na mara ai n rai. အခန်းကိုကြည့်ပါ။Jinghpaw Hanson Version Bible7 Dai wa gaw, “Masha kasha e, ndai shara gaw, nye a tingnyang dung ai shara, nye a lagaw lahpan kabye shara rai nga ai; ndai yang e Israela kashu kasha ni a ka-ang e, htani htana ngai nga nga na nngai: Israela amyu masha ni hte, shanhte a hkawhkam ni gaw, tinang a shut hpyit ai hte mung, hkawhkam ni a si mang ni hte mung, tsaw ai kawng ni a ntsa e, nye a chyoi pra ai mying ningsang hpe htawm hpang de awu asin di kau lu na n rai: အခန်းကိုကြည့်ပါ။ |
EZEKELA 43:7
43 ပူးပေါင်းရင်းမြစ်များ
Dawi gaw shanhte a man e sa tsap nhtawm ning ngu nna tsun wu ai: “Nye a mung masha ni e, nye a ga madat mu. Ga Shaka Sumpu htani htana shanu nga na nta hte dai Madu anhte a Karai Kasang a lagaw kabye lahkum hpe galaw na ngai ra sharawng nga nngai. Shi hpe shagrau sha-a na Nawku Htingnu langai gaw gap na matu ngai hkyen lajang da ni ai;
Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.
Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.
Tawn hkungri ni a grup yin hte hpara sumla ni a lapran e mung, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, kaba hkung ai wamyi hpun shagu a npu hta e mung, shanhte a hpara sumla ni hpe shagu hkungga nat nawng ya ai shara shagu hkan e mung, shanhte a moi mang ni ayai taw nga na mara ai. Dai hpang masha shagu hte gaw Ngai nan dai Madu rai nga nngai hpe chye wa na mara ai.
Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.
Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.
Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.
ကြော်ငြာတွေ