EZEKELA 43:6 - Jinghpaw Common Language Bible 2009

⁶ Dai yang e, masha langai mi nye a makau e tsap nga ai hte dai Madu ngai hpe Nawku Htingnu kata kaw na ning nga ga tsun ai hpe ngai na nngai:

Jinghpaw Hanson Version Bible

⁶ Marai langai mi, nta kata de na ngai hpe ga tsun ai, ngai na nngai; masha langai mi mung nye a makau e tsap nga ai.

EZEKELA 43:6 ပူးပေါင်းရင်းမြစ်များ

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

PRU MAT 29:42

Ndai wan nat hkungga hpe nye a hpung shingkang shanu nga ai Sum a chyinghka lam, nye a man e prat dingsa nat nawng na hkungga rai malit dai. Nye a amyu masha ni hte ngai hkrum ai dai shara hta nang hpe ga shaga na we ai.

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 40:3

Shi gaw ngai hpe grau ni htep hkra woi wa ai rai nna, dai yang e magri mang zawn htoi gala ai masha langai mi hpe ngai mu nngai. Dai wa gaw lachyit sumri hte shadawn ningren lang nna, chyinghka lam makau e tsap nga ai.

JAW JAU 1:1

Dai Madu gaw Mawshe hpe dai Madu a hpung shingkang shanu nga ai Sum kaw nna shaga la nhtawm, Israela masha ni shagu hkungga ni nawng jau ai shaloi,

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.