EZEKELA 43:3 - Jinghpaw Common Language Bible 2009

³ Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

Jinghpaw Hanson Version Bible

³ Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

EZEKELA 43:3 ပူးပေါင်းရင်းမြစ်များ

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

EZEKELA 3:23

Dai rai nna, ngai gaw kadit hkam wam de pru sa wa nhtawm dai yang e Hkebara hka kau kaw ngai mu yu sai dai Madu a hpung shingkang dan hkung nga ai hpe ngai mu nngai. Ngai gaw ga de myi man gum dagup da nngai.

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 44:4

Dai hpang, dai masha wa gaw Nawku Htingnu ndaw de dingdung chyinghka hku ngai hpe woi sa wa nga ai. Ngai mada yu nga yang, dai Madu a Nawku Htingnu hta htoi tu ai shi a hpung shingkang hte hpring nga ai hpe mu nngai. Ngai hkum nan ga de gum dagup nngai,

EZEKELA 8:4

Ngai gaw Hkebara hka nu makau e nga nga yang, ngai mu yu sai zawn re ai Israela a Karai Kasang a hpung shingkang hpe madun dan ai htoi tu kabrim ai nhtoi hpe ngai mu nngai.

EZEKELA 9:1

Dai hpang, ngai gaw, “Ndai mare hpe ari jaw hkyen nga ai masha ni e, ndai shara de sit sa wa mi. Nanhte a laknak ni hpe nanhte hte rau lang sa wa mi,” nga nna Karai Kasang jahtau tsun ai nsen hpe na nngai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

EZEKELA 9:5

Karai Kasang gaw kaga masha ni hpe, “Shi a hpang hkan nhtawm mare ting hta dinghkren hkawm let kahtam sat kau mu. Langai mi hpe mung asak a hkyamsa lam hkum jaw myit; kade a ntsa e mung matsan hkum yu dum myit.