EZEKELA 43:2 - Jinghpaw Common Language Bible 2009

² dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

Jinghpaw Hanson Version Bible

² yu u, Israela Karai Kasang a hpung shingkang gaw, sinpraw maga de na pru wa ai: shi a nsen gaw, hka law law wu kadu ai nsen hte bung nna, lamu ga gaw, shi a hpung shingkang hte htoi tu nga ai.

EZEKELA 43:2 ပူးပေါင်းရင်းမြစ်များ

ESAIA 17:12

Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 11:22

Dai hkrung kanu ni pyen hpang wa yang, leng dingsen ni mung rau hkan nang nga ma ai. Israela a Karai Kasang a htoi tu ai hpung shingkang mung shanhte a ntsa e rai nga ai.

EZEKELA 11:23

Dai hpang, htoi tu kabrim ai gaw dai mare kaw nna pru mat wa nhtawm mare a sinpraw maga e nga ai bum de htawt sit mat wa ai.

EZEKELA 3:23

Dai rai nna, ngai gaw kadit hkam wam de pru sa wa nhtawm dai yang e Hkebara hka kau kaw ngai mu yu sai dai Madu a hpung shingkang dan hkung nga ai hpe ngai mu nngai. Ngai gaw ga de myi man gum dagup da nngai.

EZEKELA 43:4

Dai htoi kabrim ai nhtoi gaw sinpraw chyinghka hku nna Nawku Htingnu kata de shang wa ai.

EZEKELA 44:2

dai Madu gaw ngai hpe, “Ndai chyinghka la da nga na ra ai, dai hpe galoi mung hpaw lu na ra ai n rai. Masha kadai mung dai hpe lang lu na ahkang n lu nga ai, hpa majaw nga yang, dai Madu Israela a Karai Kasang ngai gaw dai hku shang ai majaw rai nga ai. Dai gaw naw la da ra nga ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

HABAKU 3:3

Karai Kasang gaw Edom kaw nna bai sa wa nga ai; chyoi pra ai Karai Kasang gaw Paran kawng ni kaw na sa wa nga ai. Shi a hpung shingkang sumsing lamu ni hpe ka-up da nga ai; ginding aga gaw shi hpe shakawn kungdawn ai ga hte hpring nga ai.

HABAKU 3:4

Shi gaw htoi tu ai myihprap wan hte sa nga ai; shi a daru magam n-gun makoi rawng nga ai shi a hkra lata kaw na nhtoi wan gala nga ai.

YAWHAN 12:41

Esaia gaw Yesu a hpung shingkang hpe mu lu ai rai nna, shi a lam shing nga tsun ai rai nga ai.

SHINGRAN 1:15

Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.

SHINGRAN 14:2

Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.

SHINGRAN 18:1

De a hpang e, lamu kasa langai mi sumsing lamu de nna yu wa ai, ngai mu nngai. Shi hta ahkang aya kaba nga nga ai rai nna, shi a hpung shingkang gaw lamu ga ting htoi tu ahkung shangun wu ai.

SHINGRAN 19:1

Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.