EZEKELA 43:12 - Jinghpaw Common Language Bible 2009

¹² Ndai gaw Nawku Htingnu a tara rai nga ai: Bum pungding hte de a grup yin shara ni yawng chyoi pra san seng ai shara rai nga ai,” ngu nna tsun ai.

Jinghpaw Hanson Version Bible

¹² Nawku Nta a tara gaw da ndai rai nga ai: bum pungding htingra hte de a grup yin e yawng, chyoi pra htum ai shara tai na ra ai. Yu u, dai gaw dai Nta a tara rai nga ai.

EZEKELA 43:12 ပူးပေါင်းရင်းမြစ်များ

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

YOELA 3:17

“Dai hpang, Israela e, ngai gaw dai Madu nanhte a Karai Kasang rai nga nngai hpe nanhte chye na marin dai. Ngai gaw Ziun ngu ai nye a chyoi pra ai kawng hta nga nga nngai. Yerusalem gaw chyoi pra ai mare tai wa nna; maigan masha ni dai mare hpe galoi mung bai ka-up lu na mara ai n rai.

EZEKELA 42:20

Dai rai nna, bunghku du hkra lawm yang, man mali grup grup pe 840 rai nga ai. Dai bunghku gaw chyoi pra ai hte n chyoi n pra ai shara ni hpe garan ginhka na matu kum da nga ai.

SHAKAWN KUNGDAWN 93:5

Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

MIHKA 4:1

Du na ra ai aten ni hta, Nawku Htingnu dung ai bum gaw yawng hta tsaw htum ai shara tai nna, kawng ni yawng hta grau tsaw na ra ai. Masha amyu baw law law ni dai shara de htaw bang na mara ai,